Pilota partida bat
Etchegaray
Kantatzera nohana
Jendien artean
Suyet aiphatua da
Baigorri aldean.
Pilota partida da
Aldudarrekilan
Orai jokatu dena
Aldizka bietan.
Hirur herri zituzten
Aldudarrek kontra,
Baigorri eta Ortzaiz
Bertzea Heleta.
Bainan Aldude hortan
Etziren ez lotsa
Berekin baitzaukaten
Ilhaina tiesoa.
Ez da handia bainan
Ondotik egina
Gorphutzez sendo bezain
Besoa arina.
Jokarien arteko
Da gauza jakina
Piloten berechteko
Begia du fina.
Harekin hurbiltzen zen
Sakarietako
Arrotzek deitzen zuten
Espagnol Patchiko.
Bainan Aldudiarrek
Ez dute saltzeko.
Holako guti zuen
Pikera heltzeko.
Lehen aldiko dena
Landare gazte bat
Agertzen bai zalhoina
Celhay deitzen den bat,
Luze eta lerdena
Onhesta orobat
Menturaz daitakena
Don Perkain berri bat.
Bertze biettoz ere
Zerbait erran gabe
Kontrientzia kolpa
Laiteke halere.
Ezagutuak dire
Antton bai Ifolé
Jaun hek bethi pilota
on edo tzar dute.
Partiden artian da
Agertzen lehena
Estatuz medikua
Zalhu bai zuzena.
Muthiriki jokoa
Bethi dabilana
Indarrez beharko da
Garhaitu harena.
Erien aintzineko
Dela plazetako
Bere pare gutichko
Du alimatzeko.
Hitz horien azpian
Ez da nihonere
Ez duena mihian
Dihursubehere.
Ez da Bumera Jaunaz
Gaitzik erraiteko
Nagusi da fazoinaz
Sakatzen hartzeko
hark duena hauche du
Dena botatzeko
Partida galtzen badu
Ihesi juaiteko.
Piarres eta Juanes
Heyekin Domingo
Holako jokairiez
Zerbait erran niro.
Jokotto onak ere
Bethi ez balio
Jaunen Jaunak badire
Bertze bat artio.
Partida nagusiak
Erdizka joan dira
Zaipietarik lauak
Aldudarren dira
Nahi plaz'arrotzera
Noiz nahi prest gira
Bainan beheretarrak
Ihesi joan dira.
Adios beraz Jaunak
Zohazte arinki
Moltsen gatik ohoinen
Ez izan beldurti.
Bainan bakhotcha finki
Has bedi orhoitzen
Gorapen bezen ongi
Dela beherapen.
Biba beraz Aldude
Biba zu Echteke
Aldudiarrek ere
Lagundu zaituzte.
Bainan egun hunekin
Eskerrak dautzute
Zure lagun onekin
Luzaz bizi zaite!
|