Perkain eta Azantza
Etchegaray
Norat joaiten zira zu adiskidea!
Donapaleora dut ene segida.
Urreņo bat deramat, bertze baten bilha,
Baldin Laphurtarrak jalgitzen badira.
Laphurtarrak jin ziren trebesak doblezka,
Banitatearen orde bazuten nobleza;
Galdu duen gaichoak konts'dera beza
Ez dela egun oroz Laphurtarren besta.
Azantzako semea nik ez dut mendratzen
Bere parerik ez du pilota botatzen.
Bainan Perkain hori etzuen lotsatzen,
Plaza guziarentzat bera aski baitzen.
Zazpi joko zituzten, guk bederatzi
Halere Laphurtarren plaza etzen aski.
Has berrian bezala trebesian bethi
Urguluz nahi zuten part da irabazi.
Amikuzeko duzu Donapaleo
Hango ezpada ere hurbil darraio.
Aldudiarrak eta hainitz gehiago
Handik hari zeraizkon dihuru karraio.
Orai bethetzen ditu bederatzi urthe
Baīgorrin trufa hunik egin zinaukuten
Gure amen sariak juan zinituzten
Errebanjak baitiago hor, kompon zitezte.
Laphurtar jaunak, orai zuer zer zaizue
Monedako etchea hurbilchko duzue.
Eskasten bazaitzue horra joan zaizkete
Ukhaiten baduzue harturen duzue.
Ehun urhe galdu tuzte, gastuak bertzalde
Hek ere nere ustez zerbait badirade.
Gizon bat aberatsa izanikan ere
Holako zimikoak senditzen dirade.
Mainhuak urepelez, saldan oilaki
Gorphutzari plazerak nola egin badazki.
Pulinda-ichterrek ere jan beharko ditik
Dirurik ekhar zekotz Donapaleotik.
Azantzako semea, gure Jaun Pierre,
Mainhuak hartu tuzu bainan debalde
Akizko uretarat joan behar zirade
Handik jiten zirenian bethi prest girade.
Azantzako semea, gure Jaun Pierre,
Ez duzu berehala sinhesten zuk ere
Baldin balinbaduzu aitzina kuraye
Leheneko pilotan bethi prest girade.
