Biba pilota
Etchegaray
Zer dut bada aditzen
Baztango aldetik,
Mendiak inharrosten
Iduriz errotik!...
Bada oihu, bada kanta
Bada irrintzina,
Aire guzia dugu
Bertze bat egina.
Zer bada hortan zare,
Zu oraino Pettan!
Ez dakizu deusere
Michterio hortan?
Laur Aldudar tieso
Espagnol bat hetan
Jokatu dire bago
Gaur Lamiarretan.
Baztandarra bethitik
Da gizon segura
Aldi huntan hargatik
Bazen duda-muda.
Etzelakotz partida
Chit haren gostura
Horren gatik ez dauka
Jokatzeko gura.
Ordean Dolhagaray
Bailleko Alcalde
Ohore ona garai
Agertzen fagore.
Joka beitez muthillak
Menturaz debalde
Nahiz neronek untzak
Bota zuen alde!
Orobat hurbiltzen da
Jaun aphez Gamio
Diolarik: zer bada
Du batek balio
Ez badu bere hitza
Atchikitzen bero,
Nahiz galduko untzak?
Ikhusten da gero!
Espaņolek bortz joko
Frantsesek baterez,
Ja zioten gorasko:
Eginen ere ez!
Orduan sabel-minak
Baziren Arabez
Bai ondikoz saminak
Nork erranen du ez!
Bainan Celhay zaharra
Behar da jokatu,
Jendearen sukharra
Oihuz abiatu.
Echtebe paretetik,
Zu bethi airera
Ez utzi oraikotik
Jokorik sartzera.
Bada erran bezala
Doha eskasera
Handik ikhus-ahala
Pilota pasora!...
Ja horra botaria
Doha baztertzera
Ez jakinez jarria
Norat sakhatzera!
Han ordutik jokoak
Badoazi lerroan,
Hala nola hostoak
Haizeak airean!
Aldiz azken kintzea
Anttonek ereman
Gibeletik hartua
Bertz'alderat eman!
Orduan zer zen bada
Han, Pettan, ikhusi,
Erraiteko ez datza
Batere itsusi
Lagunek aldiz zuten
Celhay erakutsi,
Harturik sorbaldetan
Zelakotz nagusi.
Bainan horrelakorik
Ez nahiz onhetsi,
Laster dolia artetik
Ohore ihesi.
Gizonari zoin den eder
Bethi garhaitia
Ongi dolia halaber
Zinez modestia!
Anaia on bezala
Baltsan juan ziren
Gana behar zutela
Eman Eluetan.
Lorik egin othe zuten
Ez nezake erran
Ezen bozkario zen
Bardin guzietan.
Biharamun goizean
Horra Elizondon
Behar dela lachoan
Jokarazi Antton.
Hainitz nekhatu gabe
Irabazi zion
Bizpahirur untza pare
Dena ere da on.
Hitzak dituztenean
Geroko ibili
Eman ziren bidean
Guziak gizonki.
Bainan lotzearekin
Mendi kaskoari
Heien harrabotsekin
Ikharan zen jarri!
Hurbiltzean etchera
Huna bertze berri
Behar dela bandera
Egin churi gorri,
Eta eman zaldira
Gure Jaun Celhayri
Altchatzeko airera
Boltan kantuari!
Batzuek krapestutik
Bertzek estribera
Hor deramate pozik
Berak du bandera!
Gudu baten ondoan
Iduri duela
Erromako hirian
Sartzen jenerala!...
Orai nere maiteak
Nik hemen banaki
Guziz, zuek gazteak,
Kontseilatzen finki:
Partida egitean
Ahaiaz izerdi
Gero jokatzekoan
Gelditzen da ongi.
Ez beraz enganatu
Bitorios dena
Ez sobera jokatu
Gaur eskutan dena.
Bezpera alegerak
Duke goiz ilhuna
Jokairi berotuak
Maiz du bihotzmina.
Bertze alde gaurgoitik
Nork bada ez daki
Nihor guti jokotik
Izan dela ongi.
Aldiz tuzte hainitzek
Bere bertzenekin
Galdu bai dohakabek
Arimak heyekin!
|