Zoure erremestiatzeko, oi jaun Bedezia
Etchecopar
1
Zoure erremestiatzeko, oi jaun Bedezia,
deliberatu ditut bi koblen hountzia;
pharkaturen deitazut ene atrebitzia,
zoure eretzian hartu dudan ausartzia.
2
Eztit nahi ttipitu zoure ouhouria,
baizik eta salatu merechimentia,
zeren egiten duzun favore handia,
doblatzen duzulakoz hanitzi bizia,
3
Aspaldian nunduzun ulhun bihotzian,
orai ezari naizu zuk alagrantzian
jin izan zinelakoz behar thenorian
eta bertan chuchentu gu bide hounian.
4
Aita amentako duzu bai phena handia
haour ttipi gacho baten eri ikhoustia.
Zoure medioz dugu orai sendotia:
benedikatu dela arren zoure eskia.
5
Bedezia badu Uskalduna garbi,
ounest eta gisako, begiak zoharbi;
gaitzak ezagutzen tu ihourk ez hobeki;
goure artian dadila houra luzaz bizi.
6
Eskerrak dereitzugu guk, jauna, buhurtzen,
bai eta bihotz oroz, erremestatzen;
berriz ere bagira beharretan sartzen,
zouri eta Jinkouari gira gomendatzen
7
Zoure medioz ginen Ospitalin sarthu
eta gero behala zuk han operatu
behar zen phuntietan eria bijitatu;
Serora esku eztiek artian soiñatu.
8
Ospitale hortako serora gachouak,
ziek ere merechi tuzie laidoriouak.
Egiazko hounki egile dohaiñ hounekouak,
phakaturen zutie Zeluko Jinkouak.