Lehuntchegoitiri letera bat
Etchecopar
1
Agur bat nahi nuke heltu Ordiņarberi
han ikhousi nutian jaun ounest orori;
ouhoure, laudorio berri eder hari,
ahatze gabetarik, Lahuntchegoitiri.
2
Horren doia ukhen dit zutzaz ezagutze,
den gutiena ezpeitut orano ahatze;
berriz nik banu egun zourekin mintzatze,
aipha ginio aldika kobla eta sortze.
3
Noumbaiti berri bat zait Larraņerat heltu,
duda gabe egiak izan hehar beitu,
hamahirour gerren aldikoz zirela aitatu;
amak ere badizu bai merechimentu.
4
Batheiu berri hori entzun nienian
ideia bat zereitan bat iarri burian,
bi koblaren hountzia memento berian,
ez othoi ni gaizki har ene balentian.
5
Noumbre ederra dutu segurki halere.
bena gisa hartan da baratzen despare;
beste bat jiten bada dutukezu pare,
kountu ederragoua emaiteko zoure.
6
Aita amentzat dutu arrankura handia
familia handi baten untsa altchatzia.
Jinkouak emaiten beitu hehar den grazia,
holaz da irabazten Zeluko loria.
7
Kobla hountan nik dizut Jinkoua othoituko
favore eman dizazien luzaz bizitzeko;
Agian hanitz ourthez haour horiek zaintuko.
zahartze irous bat hola date zientako!
8
Haboro erran gabe hortan niz baratzen;
eztakit zoure nahia dudanez bethatzen;
huts eginen dereizut pharkatzia galthatzen,
hebentik eta horra eskia hedatzen.