Sortzetik orai arte iragan denbora.
Etcharren Irouleikoa.
1
Sortzetik orai arte iragan denbora,
Deklaratu nahi dut gradoz gradora,
Pentsamendu tristerik heldu zaut gogora
Persuez nahi ditut athera kanpora.
Adinen denbora
Iragan zaut gora
Bosgarren lerrora
Hurbil heroira.
Adinek neramate jujamendura.
2
Ene begira daude anhitzak zerutik.
Noiz partitu behar naizen ni lurretik,
Arrangurarik aski badut bihotzetik,
Herioa dudala neure gibeletik.
Jainkoak zerutik
Nerama mundutik,
Bortchara hargatik.
Hain segur badakit
Pasatzera noala jujamendutik.
3
Agertzera noaie jujamendian
Lehenbiziko tribunalian.
Jainkoaren kolera ni-ganat jeustian,
Maria Birjinari nago othoitzian.
Munduko bizian,
Egon nainian
On eta gaizkian,
Han da liburian
Ongia nausi bekit idokitzian.
4
Munduan bizi diren gogo sendoak
Gazte eta azkar diren bapoak,
Heiek ere orhoitzen ditu geroak,
Nola bizi diren zahar gaizoak.
Akhitu besoak
Nagitu zangoak
Gogortu krakoak
Gasoildu biloak:
Horiek dira ene erraitekoak.
5
Mintzatzera noaie dakidan egiaz:
Batzu badoazila bertzen bidiaz.
Argiturikan nago liburu saindiaz
Hiltzekoak direla Enok eta Elias
Jainkoaren nahiaz.
Bethe'itu graziaz
Bere gutiziaz.
Bizitze luziaz.
Heiek berak segur dirare hiltziaz.
6
Lurreko testamenta izan dut urosa:
Changrinik ez deramat diruen kausa.
Ez esteka sobera diruan gorphutza,
jinkoak ez du maite abariziosa.
Oi, zoin den filusa
Eta lanjerosa
Urhe loriosa
Hori deia kausa
Ifernuan mintzo da Judasen boza.
7
Bertsu miragarri hau buruari lothu,
Arrazoin seriosik berekin baitu:
Gizonak on tuela zazpi izpiritu,
Hobeago oraino zortzi balitu
Tripari manatu,
Mihia bridatu,
Odola pausatu;
Horiek baditu,
Gizonak salbatzeko duela sorthu.
8
Izan naiz armadetan, bai eta gerletan;
Frantzian, Espainian, Italietan.
Gazte laguna frango galdu dut heietan.
Bi anaia neureak baitziren hiletan.
Daude zeruetan
Alegrantzietan,
Jainko Jauna baithan,
Seigarren herrukan.
Jainkoak sar nezala ni ere hetan.
9
Luzifer urgulutan sarthu zen zeruan,
Jainkoak emana da punimenduan;
Haren ondorioz gu oro irriskuan,
Beldurrez sar gitezen ifernuko suan.
Biziz bekhatuan,
Sartzen da doluan.
Hiltzeko phunduan,
ikhusiz zeruan
Gizona uros dela Parabisuan.
10
Piaie luze bati noaie lotzera,
Mundu batarik bainoa bertzera.
Gabriel aingerua jin bekit bidera,
Salbatua naizela niri erraitera!
Erien barbera,
Jesu-kristo bera,
Zatozkit athera
Ene beiratzera:
Bethikotz har nezazu zure gorthera.