Umek burhasoeri urthe on eta ohore!.
Manech Etchamendy.
1
Sorthu gintuzun holetan
Gu iragan demboretan,
Gero ezarri trochetan
Asko aldiz, ai, ama maiteak
Mantenatu bulharretan
Atchikirik besoetan
Aitak ere belhaunetan
Gero laster haztekotan
2
Hazi gintuzu gazterik
Aita-ameri gostarik
Ez, hortaz ez dut dudarik.
Ez dugu aurkhitzen guk heiekin
Bizi egunez hoberik
Ez eta heien parerik
Nahiz ez ginduen mamarik,
Zeren garen pobretarik.
3
Hortakotz diot egia
Zeren den gauza argia
Guretzat dela legia,
Aste guziez lanean ariz
Irabazteko ogia.
Begiratuz zuhurtzia
Iragaiteko bizia
Et'ait'amez orhoitzia
4
Ait'amez gare orhoitzen,
Eta begiak bustitzen
Eztugulakotz aurkhitzen
Gur'haurtasunean bazakiten
Hek gure ongi altchatzen
Etsemplu onen emaiten
Gutaz ziren urrikaltzen
Eskerrak deztegu bihurtzen.
5
Aita amek pena asko
Jasan dute guretako
Bai gure ongi hazteko
Urthe on deugu desiratzen'ta
Jainko jaunak laguntzeko
Osasun on emaiteko
Luzaz bizi-arazteko
Gero zeruaz gozatzeke.
6
Ama Birjina maitea,
Zato gure laguntzera,
Baitugu behar ordua;
Bai mundu huntan segi dezagun
Zeruretako bidea
Othoiztuz zure semea
Hark dezaikun onhestea
Eiten diogun galdea.
7
Zeruko Jainko handia,
Gutaz miserikordian,
Atchik guri berthutia.
Aita ameri eta Umeri
Zuk emaguzu grazia
Uroski gure bizia
Iragaiteko guzia,
Gero Zeruko loria.
|