Gizon beharra eta Petiri-Sants

Etchamendy, M.

 1

 Petiri Santsek zion gizon behar bati

 Abendoa hastean, letra bat igorri:

 «Etchean behan badukanez janhari-eder,

 «Ikhastera laburzki nahi nauk ethorri».

 2

 Arraphosta ein zion biphil eta labur:

 «Mandatari maltzurra, ez nauk hire beldur

 «Nahiz naizen etchean guzietan chuchur,

 «Lanetikan bizia bazikeiat segur».

 3

 Bada negu beltzean aste bakhan batez

 Herturan gerthatzen da lan-biderik gabez;

 Andrea eta haurrak zagotzin nigarrez.

 Petiri-Sants-higuinak, bisita beldurrez.

 4

 Auzoak aberatsak bazituen hurbil

 Bainan herabez eske etzitaken ibil;

 Nahiz bertzeren gauza errechki zion bil.

 Ohointza egia baino nahiago zen hil.

 5

 Astelehen goiz hortan argira bi oren

 Ohetikan jeikirik, gogotan eman zen:

 «Alfer egonez ere deus ezin ediren

 «Mendian hil dezala erbi bat bederen!

 6

 Arth-izarra zeruan agertu orduko

 Mendietan zabilan zerbeit bilhatzeko

 Nehon deus ez ageri, eguna dohako,

 Oihanean sartzen da etcherat jausteko.

 7

 Bet-betan aditzen du zerbaiten azantza

 Ikustean jartzen da lazturik gorphutza

 Urritz baten gainera igaranik Hartza.

 Arbolaren azpian, bas-urde bat gaitza!

 8

 Ihiztari gaizoa etzen baithan.

 Ez jakinez zer egin tente zagoen han;

 Izialdura batekin, zain oro ikharan:

 Baleki-bat hartzari emaiten da miran.

 9

 Bamp! hartzaren bulharra balaz hor da joa:

 Jauziz bas-urdearen gainera badoa.

 Diolarik: «Ikukak hi, lagun gaichtoa.

 «Guri dezakedanez nik hire kaskoa»!

 10

 Bas-urdea, hartzari: «Alimal asprea.

 «Ez nauk ez ni gobenduan; har-ezak ephea!

 «Hoche diagu biek elgar aditzen

 «Gaztigu baino lehen gaazik pilatzea»

 11

 Hargatik, hartzak zuen eman puskatua

 Hartza bera abantchu biziz gabetua:

 Basa urdearekin eginik gudua,

 Azken loak hartzeko jin zaio ordua.

 12

 Ihiztariak ez du, ez, buruan hatzik

 Ez-eta-re egiten gibelaz azantzik:

 Laster, ihizieri hurbiltzen da botzik:

 Ikusiz ez dutela gehiago hatsik.

 13

 Mandoan ezarririk guziak, arthoski,

 Irrintzinaz etcherat badoa airoski.

 Petiri Snatsi zaizko zainak inharrosi;

 Behatzen da eginez lau-bortz aharrosi.

 14

 Ihiztari urosa etchera zenekotz

 Petiri Sants ere han, hurbil zen ordukotz:

 Egitnza hori hola gerthatu zelakotz,

 Urrundu zitzaioten handik sekulakotz.

 15

 Egungo egunean zombat hirritari

 Lur-huntan heldu zaion jende cheheari!

 Kalteak egin nahiz gur'ohorearei

 Eta partikularzki gure arimeri.

 16

 Ene herritar onak, zueri bi elhe:

 Kampotik ari zaziku zombeit nahastaile:

 Irin baino geihago zahiren ehaile,

 Bainan nor da egiaz laguntza emaile!

 17

 Beraz, gu herritarrak, goazin gu bakean!

 Bethi elgar lagunduz Jinkozko bidean:

 Amodio, ohore elgarren artean.

 Bakeaz gozatzeko eternitatean.