Bakeaz
Manech Etchamendy
1
Adam bai eta Eba lehen burhasoak;
Uros egin zituen lur huntan Jainkoak,
Begiratu baluzte lege zerukoak,
Uros gintezken ere heien ondokoak.
2
Lekhu dohatsua zen mundu hau, hastean,
Adamen bekhatuaz khutsatu artean,
Orduan yarri ginen zorigaitz batean,
Nor izan da geroztik osoki bakean?
3
Mundua bi phartetan yarri zen ordutik,
Ona alde batetik gaichtoa bestetik,
Gizaldeak dohatzi bat-besten ondotik,
Bainan guduka bethi, bizi da nombeitik.
4
Gure zorthea bada gudukan artzeko;
Gure egimbidetan ez da lotsatzeko;
Zorigaitza bagindu errebelatzeko,
Jakintsunak badira gure gidatzeko.
5
Oi zer inozentziak gizonen bizian!
Jeloskorrek ardura hau dute mihian;
"Jende nekhazailea da maiz miserian."
"Aberatsa uros da bethi aiserian."
6
Bizia ahal baliz sosarekin eros,
Orduan diruduna zein litaken uros,
Bainan orok, hiltzea zor dubgunaz geroz;
Ez dugu zeren izan batzu besten yelos.
7
Diote; ari dela yendea abiltzen,
Zernahi lan eiten .., airean ibiltzen;
Jakitate horiek nuntik ditu biltzen?
Eta dohain guziak nola baliatzen?
8
Lan askoren eiteko bada abantaila;
Aisago bizi dea yendaki aphala?
Zorigaitzez nombeitik phizten bada Gerla;
Gizona suntsitzen da erhautsa bezala!
9
Asko gizonen baithan bada zuhurtzla;
Beste anhitz yendetan zembat malezia!
Gaichtoa onarentzat zein den bekhaiztia,
Jakiteko aski da ontsa behatzia.
10
Jenden artean bada anhitz arrangura;
Jelosia, aharra, gerlak ardura.
Herri, Erresumetan zembat nahastura,
Ez da aise chuchentzen gizonen aztura;
11
Onaren agintza da bethi amodioz,
Gaichtoa mendekatzen Satanen medioz;
Zuzena lehertua anhitz suplizioz;
Oro yakinen dire Azken yuizioz.
12
Deus kontsolamendurik lur huntan baedea;
Bai, gaitzen sendagailu, badugu Fedea.
Gure nausitzat hartuz Krichto-Erreogea;
Harekin badukedu bethiko Bakea!!