Trinitate saindua
Zalduby
1
Sinhesten dut Jainko bat
hiru presunetan,
Aita, Sem'Izpiritu
deitzen direnetan.
Bakhotcha Jainko bat da
hiru horietan.
Bainan jainko bat baizen
ez da hiruetan.
2
Aita lehen presuna,
Semia bigarrena,
Izpiritu Saindua
da hirugarrena.
Zein da zaharren edo
botheretsuena?
Hiruek berdin dute
bakharrik duena.
3
Hiruak bethidanik
berdin dire denen,
Izatez, bai botherez,
bai Jainkotasunez.
Hiruak bat izatez,
berechak presunez;
Hiruak Jainko bainan
Jainko bat baizen ez.
4
Ene adimendua,
hemen suntsi hadi;
Huntan har nak fedea
argi'ta gidari.
«Sinhesten zaitut» errok
michterioari,
Bat beizik ez denaren
hirurtasunari.
5
Aita, Jainko zarena,
zure bothereak
Zeru lurrak daduzka
gaindizka betheak.
Bizia, herioa,
egunak, urtheak,
Dire zure nahien
egin-arazleak.
6
Aitaren ganikako
Seme eternala,
Jainko egiazkoa,
Aita den bezala;
Zu gizon egin zare,
hil ere bai hala,
Gure amodioak
ekharriz hortan.
7
Izpiritu Saindua,
zu ere Jainkoa,
Aita Semen batasun
amodiozkoa,
Bien zarraizkoten
argi-ta gozoa,
Susta diezadatzu
bihotza, gogoa.
|