Tribunaletako gurutzefiken khentzeaz
Zalduby
1
Gure Gobernamenduak
Jainkoa hain higuin du,
Tribunaletarik baitu
Kurutzefika khendu:
Hainbertzeuaz du Frantzian
Justizia aphaldu
Kontzientzien beldurra
Du behinik bat galdu.
2
Ez bada tribunaletan
Gehiago kristorik,
Ez dezakeguke altcha
Juramentuz besorik:
Han juje direnak beizik
Ez bada goragorik,
Gure juramentu orok
Ez dute baliorik.
3
Juramentuak lekhuko,
Hartzen baitu Jainkoa,
Jainkorik ez balinbada,
Haizu da zin faltsoa:
Jainkorik gabe zer nahi,
Ona ala gaichtoa,
Denak orohat direla
Hau erran gabe doha.
4
Gurutzefika ikusiz
Sinhestedun jujeak
Makhur jujatze beldurrez
Aise ziren hobeak
«Ez zatzuela kondera,
«Zioen gurutzeak,
«Ni egin nauten bezala
«Jende hoben gabeak.»
5
Gizonezko justizia
Gauza hits eta hotza;
Khurutzefica khentzean
Khendu zaio bihotza:
Deus zuzenik gehiago
Badukeien naiz lotsa,
Otsoa azkar delakotz
Hobendun den bildotsa.
6
Frantziako justiziak
Jaungoikoa ukhatuz,
Oraikotik exemplutzat
Har dezake Pilatus:
Zuzen ari dela zaio
Inozenta urkhatuz,
Hobendun aberatsari
Bardin oro barkhatuz.
7
Jainko gabeko jujeak
Framazon edo judu,
Hambat gaichtoago zuentzat
Jainkorik ez badugu;
Zuen justizian orai,
Zer sinheste dukegu?
Zuen sinheste gabea
Hartzen dugu etsemplu.
|