Muslari xapeldunak

Etchamendy, Pedro Juan

 1

 Bederatzi ehun'ta laur hogoita bata

 Ohoretan da aurten «Norte Ameriketa»

 Jaunen jaunak izaiten errana're baita

 Deklaratzera noha zer dagon sujeta.

 (Errepika) Trala lalalala, eta.

 2

 Jokorik ederrena Mus'eko jokoa

 Mundu guzian joko omen haundikoa

 Xapeldun izaiteko erran gabekoa

 Ez dela behar izan burutik flakoa.

 3

 Xino'ko klubakoak zoin gehiago hortan

 Ageri zen behala etzirela dudan

 Katzaka haundietan aizanik borrokan

 Hek ziren hoberenak Norte-Amerikan.

 4

 Beste Nazionetan ere xapeldunak

 Muslariak zituzten beren hoberenak

 Jakiteko nor ziren denen jaunen jaunak

 Mexiko'ko hirirat bildu dira denak.

 5

 Muslari Hoberenak airekoz joanik

 Bazterrak han serio ikusi ditut nik

 Aste osoa hantxet bentxidan aizanik

 Deneri nagusitu Peio ta Dominik.

 6

 Norte-Amerika da ohoretan aurten

 Zeren xapeldungoa irabazi duten

 Nahiz xapeldunek hau gorderik daukaten

 Zilarrez kargaturik kusi ditut jiten.

 7

 Bazter orotan ziren musean aizanak

 Xapel hori burian hartu nai zutenak

 Bi jeun Chino'rat lehen Izpuratik jinak

 Orai mundu guziko dira xapeldunak.

 8

 Muslari xapeldunak ohora ditzagun

 Horiek bezain onik zeren ez den nihun

 Gauza hau ikus eta uros naiz ni egun

 Euskaldunak daudela orotan Euskaldun.