Senhar Emazteak.
Ene hauzotegian bi senhar emazte
Bakean bizi dira hasarratu arte
Gardi elgarrekin (berriz) behin samurtzetik
Heyen chuchentzaileak lan ona behar dik!
Lehenik intzirinak, gero deihadarka;
Gero berriz eskainka, azkenekotz joka;
Horra zer bizi modu (berriz) duten maiz segitzen,
Dudarik gabe gostu diote kautsitzen
Gizonari on zayo zorta bat gorritik,
Emazteari berriz tota bat horitik,
Emaztea ichilka (berriz) senharra haltoki.
Bakhotcha bere alde dabiltza abilki.
Ostatutik lekora, bapo eta eder,
Senharra ez dadila sukhalderat ager!
Gardia eman bezo (berriz) bere andreari.
Totaren ondorio omore tcharrari.
"Gizon etche galgarri, arno edalea,
"Ahalke behar nuke hola bizitzea!
"Haizen bezalakoa (berriz) arraila goizetik
"Ohakit, higuin tzarra, begien bichtatik.
"Nere andre gaichoa, ez bada hasarra!
"Hi bezalako baten badinat beharra
"Emazte baliosa (berriz), eztia, ichila
"Holako bakhar batek balio-tin mila!
"Gizon alfer-tzar, gormant, zikin itsusia!
"Aspaldian nauk, hitaz asetzen hasia!
"Bethi gerla gorria (berriz) sekulan bakerik!
"Ifernuan bide-duk hi baino hoberik!
"Othoi, ago ichilik, ene emaztea!
"Indar-bai, laster gero, bi arten bakea!
"Zer nahi dun enekin (berriz) gerla irabazi?
"Lehen ere badakin nola hautan hezi!"
Emazteak orduan hartzen du erkhatza
Eta chiminiatik gizonak laratza
Batek uma-ahala (berriz) bertzeak; ai! ai! ai!
Oi zein eder guduan holako bi etsai!
Eltze, zartain, gathelu, oro nahateska.
Lurrerat arthikiak dabiltza jauzteka.
Goaten naiz jaun-andre (berriz) heyen bakhetzera.
Umaturik hor naute igorri etchera.