San Joanes-Batichta Salharen kantika
Zalduby
Errefau hau lehenik kantari berechiek
Joanes Salha, haurren Apostolua,
Jende chehearen ongile khartsua,
Hain lorios oirai zerurat altchatua,
Izan zaite laudatua.
Guziek lehen kopla hori bera errepika haste
huntan eta segidako kopla arte guziez
1
Bai mundu guziak, Joanes-Batichta Salha,
Sainduen herronkan ohorea zaitzala:
Gu ere Zerurat hel bagine, ochala!
Bermaturik oro zu bezala.
2
San Joanes Salharen lehengo burhasoak,
Eskualdunak ziren, Ziboz Salhakoak
Gu balin bagare haren odolekoak,
Izan gaiten bihotz berekoak.
3
Haurrean aingeru, gaztean oi! zein garbi,
Bere lagunekin bethi maitagarri,
Aberats emaile, beharrei urrikari.
Gero bera deus gabe zen jarri.
4
Gazterik jakintsun, apheztu'ta hasi zen
Nekhazalen haurren eskolan hiltzen.
Jende cheheari guziz emana baitzen.
Heien aita zuten orok deitzen.
5
Osagarriz ahal, egun oroz nekhean,
Gabaz oren luzez zagon othoitzean.
Urthe gehiena zeraman barurean,
Gorphutzaren mainen beldurrean.
6
Nahiz duen hambat bihotz eta berthute,
Etsaiek maiz gerla eiten diote.
Hek eginik ere laido bai eta kalte,
Berdin ditu bihotzetik maite.
7
Saindu amultsua, zure ondokoetan
Zu zare oraino bizi heiń baithan,
Haurren altchatzen irakaspen onetan
On da guziz zure eskoletan.
8
Oi Jan-Batich Salha, gure saindu maitea,
Othoi lagun zazu Eskualdun jendaa;
Iduk dezan bethi azkar bere Fedea,
Aspaldiko bere ohorea.