inprimatu
"Xenpelar saria"-ren galdez
Izenburua:
"Xenpelar saria"-ren galdez
Sinadura:
Esnal, Pello
Urkizaren iruzkina:
Egilea(k):
Esnal, Pello

Argitalpena:
Zeruko Argia.
Urtea:
1980
Argitalpenaren urtea:
Alea:
897.zk.
Orrialdea:
38-39

 

 

 

 

faksimilea ikusteko


faksimilea ikusteko


"Xenpelar saria"-ren galdez

 

Esnal, Pedro Mª

 

 Bertso-arlotik dator

 gaurko notizia.

 oraindik maite al du

 inork justizia?

 eskutatik kendua

 edo ihesia

 Xenpelar izeneko

 sari berezia.

 

 Baldin norbaitek balu

 sari horren berri,

 adieraz dezala

 argi eta garbi.

 Ezer ez entzuteak,

 ez urdin, ez gorri,

 aspaldi susmo txarrak

 zizkidan ekarri.

 

 Orain dela bi urte

 saria erabaki,

 baina ez zuten eman,

 bidezko izaki.

 Iaz, berriz, jarri ez,

 dirua aitzaki.

 Non zaude, ez hileta

 eta ez adabaki?

 

 Hara zer gertatu zen

 dirudik ezean:

 aizkora sartu zuten

 arbola hezean.

 Gaur baztertuta dago

 bide estu ertzean

 nor kupituko den zain

 handik pasatzean.

 

 Non ote dira orain

 haren gurasoak?

 Non, errukirik izan

 ez zuten besoak?

 Beti behartsuentzat

 dira erasoak!

 hainbeste hurrupatzen

 al zuen gaixoak?

 

 Orain bi urtekoa,

 eginak hor daude,

 merke irten zitzaien,

 erabat debalde.

 Ni eizendatuarren

 sariaren jabe,

 hemen nago oraindik

 eskuratu gabe.

 

 Auskalo zenbateko

 saria izango zen,

 zenbat milaka duro

 nigana zetozen!

 Baina nonbait galduak,

 agian Burgosen.

 

 Ez dakit nondik hasi

 panderoa jotzen.

 Norbaitek behintzat ondo

 jo digu adarra:

 ez sari eta ez diru,

 tratalari azkarra.

 lehen kontzientzietan

 ba omen zen harra.

 Gaur hura ere hila,

 hau martxa kaskarra!

 

 Dirua eta saria,

 harra eta bihotza,

 alde guztietatik

 galduaren hotsa.

 Laster hustuko dute

 kulturaren poltsa.

 Zintzarri beharrean

 askotxoren lotsa!

 

 Non ote da dirua,

 non ote da harra?

 non, «Xenpelar saria»

 berbizteko indarra?

 Non, emandako hitza

 betetzeko garra?

 Ba da zenbait golkotan

 zerbaiten beharra!

 

 Ulertzeko ez da behar

 hainbeste adimen:

 mundu honetako zorrak

 ordaintzeko omen.

 Ordain itzazue, ba,

 zain gaituzue hemen,

 guk ordaintzen ditugun

 bezalaxe. Amen.

 


inprimatu