inprimatu
Lasarteren omenez
Izenburua:
Lasarteren omenez
Sinadura:
Esnal, Pello
Urkizaren iruzkina:
Egilea(k):
Esnal, Pello

Argitalpena:
Zeruko Argia.
Urtea:
1979
Argitalpenaren urtea:
Alea:
824.zk.
Orrialdea:
40

 

 

 

 

faksimilea ikusteko


Lasarteren omenez

 

Esnal, Pedro MĒ

 

 1

 

 Agur Aia herritik,

 Lasarte laguna,

 presta ezazu bihotza,

 ba dator eguna,

 zure omenaldirako

 hautatu duguna,

 irriparrez jantzia

 helduko zaiguna.

 

 2

 

 Bihotzaren aginduz

 lagunen hizkeran,

 esker ora azalduz

 zor ditugun eran,

 alaitasuna eta

 gozoa aukeran,

 omenduko zaitugu

 San Jose bezperan.

 

 3

 

 Hain harrigarria den

 bertsolariari

 maitasunak eraiki

 dio bakoitzari

 herriagatik egin

 duenaren sari

 euskaldun bihotzetan

 hainbat oroitarri.

 

 4

 

 Aiarren bihotzetan

 zuk ere, Lasarte,

 oroitarri bat duzu

 bizi garen arte,

 hain zara miresgarri,

 hain zaitugu maite,

 maitemindu gazteak

 laguna hainbeste.

 

 5

 

 Hainbat urtez izara

 gure bizilagun,

 herrikide jatorra,

 bihotzeko lagun,

 nor bertsolarietan

 zu bezain ezagun?

 Horra omentzeko zenbat

 arrazoi ditugun.

 

 6

 

 Eguna iristean

 hura gure poza,

 hemengo alaitasuna

 eta txalo hotsa.

 Zure ondoan baino

 non gehiago goza?

 Eztiz beteko ote

 dizugu bihotzak

 

 7

 

 Nahiz esan beharrak

 oraindik ez ahitu,

 hara erraztasun ezak

 pregoia amaitu.

 Mihingainaren mugarik

 bihotzak ez baitu,

 berak dakien eran

 omenduko zaitu.

 


inprimatu