|
Bateltxoa kulunkaz
Erri-zale
1
Bateltxoa kulunkaz
itxas urdiņean
gaba igaro ondoren
alperrik lanean...
Arrantzaleak goibel
datoz arraunean...
irriparrez begira
Jesus baztarrean...
2
Jaunak piztu du aien
aula zan fedea:
-Goazen itxas-barrura,
zabaldu sarea...
-Arrai bat ez dabil gaur,
alperrik joatea...
baņa beteko degu
zure agintea.
3
Lema-zai zutitu da
Jesus agintari,
Andres anaiarekin
Simon arraunlari...
Obeitu dutenean
dezaken itzari,
sareak lertzen datoz
arraiak ugari.
4
Batelak ezin artu
ango arrai pilla...,
ojuka laister dira
laguntzaren billa...;
ontzi danak gaņezka
dakarten murgilla...
Nor ote da Jaun ori,
arrantzan abilla...?
5
Pedro izutu da ta,
belaunikatuaz,
diyo: -Pekatari naiz,
nigandikan zuaz...
Arrai-tresnak utzita,
bularrean juaz,
guztiak Jesusekin
betiko dijuaz.
6
Galile-itxasoan
zurea bezela,
poparian dijua
fede-dun batela...
Kantauri gaiztoaren
arrantzale gera...
Bedeinka zazu gure
aurtengo kostera.
7
Izurdeak arraia
irentsi bear du...
Etsaia urbil da ta
gugatik erregu...
Sarri egiņagatik
itxasoak orru,
zure ontzi-barruan
babes ona degu.
8
Zerutik gorde zazu
gure sinismena,
eguneroko ogia
gorputz-animena,
oitura garbietan
euskera lenena,
Jainkoa gurtutzeko
eman zigutena,
9
Goxatu zazu gure
lanaren samiņa,
arindu sendietan
iritxi eziņa,
errian sortu alkar
maitatzeko griņa,
garbi jaso dezagun
gurutz-ikurriņa.
10
Enbatak kolpatzen du
mariņela sarri...
Pekatu-ekaitzetan
gabiltza gu sarri...
Zure patroi-arrauna
degu maitagarri,
berak portura zuzen
gaitzala ekarri.
11
Kristo'ren gudariak
bear du burruka
griņak ondo lotuta
etsaiari uka...
Larri-aldian gatoz
zugana ojuka;
salba gaitzatzu gure
biotzaren truka.
12
Arrantzaleak sarri
urrundu bearra...
etxera nai ta ezin
igaro du barra
Gaiztoan, geldi zazu
bagaren indarra,
gau illunean piztu
zerutik izarra.
13
Erri ta Elizari
eman nortasuna,
zuzentasun-bidean
argitu illuna...
Au baita Donostiyak
izan bear duna:
eliztar zintzoa ta
beti euskalduna.
|
