Pilotariak

Adema, Gratien (Zalduby)

 1

 Pilotak ohore du

 Eskualherrietan,

 Zeren den ederrena

 joko guzietan.

 Eskualdunak gaztetik,

 pilota-plazetan,

 Agertzen du baduen

 odolik zainetan.

 2

 Lehengo pilotari

 handien izenak

 Espantutan gintuzke

 erran behar denak,

 Oraiko gizon gazte

 deus zainik dutenak

 Oro ernaraz detzan

 heien aiphamenak.

 3

 Perkain eta Azantza,

 zer pilotariak!

 Elgarren bethekoak,

 joile bihurriak

 Ikustekoak ziren

 esku huska biak,

 Chichtuz zohazinean

 hoien ukhaldiak.

 4

 Bai besain, bai besazpi,

 bai pumpa lasterrak,

 Oro zituen eder

 Kurutchet Ezkerrak.

 Domingo Ezpeletar

 zafrari supherrak

 Harrituak zaduzkan

 hark ere bazterrak.

 5

 Jandarma Betiri-ta

 Heraïtzeko Martin,

 Bi Soldadueneko

 osab'ilobekin; 

 Ibarl'eta Echkanda

 Duronearekin,

 Eskuz bai eskularruz

 oro ziren berdin.

 6

 Sustun Itsasun eta

 Zuraiden Bettiri,

 Zoin gehiago ziren

 erreferan ari.

 Onddore-ta Puttiko

 eta Franchistegi

 Bumebarekin botan,

 ziren lau piklari.

 7

 Kaskoinak eskularruz

 Kaskaka, chirrichtan,

 Pilota nora nahi

 zabilkan chimichtan

 Jokoz bezenbat kaskoz,

 munduaren bichtan,

 Nekhez agerturen da

 haren parerikan.

 8

 Berrogoi-ta-zazpiko

 Irungo partida...

 Sekulan halakorik

 nun ikusiko da!

 Kaskoinaren trunkoa

 ez zaikela bira...

 Hark han eman zituen.

 guziak azpira.