¡Izarraitz!
Errezil
Izar bat bada E.uskalerrian
Zeru urdiñean ez dana:
Izar polita; guztiz ederra
"Izaraitz" izen darama.
¡Goi-eguzkiak musu emanaz
Ipiñi zion izena!
Izen jatorra; xamur xamurra,
Egokia ta zuzena.
Makiñaz aldiz diz-diz egin du;
Izen xamur au maite du.
Agiri diran izar guztiak
Berauxe dute ispillu.
Eguzkiak ain urte dakartzki
Illargiare lagun du,
Bere gañean izar guztiak
Agur diote gau-ta-gau.
Agur Izarraitz berdin gabeko
Izar menditxo bakarra,
Nere begiak lenen-lenengo
Ikusitako Izarra.
Uzta-illeko gau urdiñetan,
Argiagoa oi zera,
Goi zabaleko argi gorrixkak
Gabon-gabean bezela.
Belen aldetik urruti zaude;
Loyolatikan gertuan:
Orregatitxek beste gabon bat
Antzin argitu zenduan...
Otzik gabeko gau bigun bat zan
Izarraitz diz-diz zegoan;
¡Loyolan berriz aurtxo txiki bat
Seaska baten txokoan!
Izarrak baño ederragoa;
Aingeru antza berekin:
Deun Inazio Loyolatarrak
Bigarren gabon zekarkin.
Gau pozgarria, egun alaia,
Itxaropenez betea:
Euskalerriko Izarraitzpean
Sorturik gure-gurea.