Pello Ikhazkina.
Zalduby.
Jende beharrak ziren
Pello ikhazkina
Eta haren emazte
Kochepa-Martina.
Beren etchola zuten
Phezoinez egina,
Eta janari hotza
Thalo'ta chardina.
Neguko arrats batez
Senhar emazteak
Nakhaizturik zagozkan
Chardina jateak.
Gu bethi miserian
Asean bertzeak:
Makhur dire, zioten,
Holako legeak.
Sorgin bat sartzen zaie
Leihotik barnerat:
Heldu naiz hirur gauzen
Zuei ematera:
Galda zatzue hirur
Berech bat bedera,
Nahi den bezein handi
Deus ez zait sobera.
Pello oihuz hasten da
Supazter zokhotik:
Ai! nik tripotch bat banu
Jan niro gogotik.
Tripotch bat erortzen da
Pamp! chiminiatik,
Jan on bat egin dezan
Pellok oraikotik.
Martinak senharrari:
Zer pelloa haizen!
Ez bakiena zerbeit
Hoberik galdetzen?
Balimba! tripotch hori
Dena den, hoin gizen,
Sudurretik dilindan
Balitzaik gelditzen!...
Martinak hitz horiek
Athera orduko,
Tripotcha sudurrera
Pellori dohako.
Khendu nahiz tiraka,
Debru'ta karako!
Sudurrarekin beizik
Ez du atherako.
Igande eguna zen
Biharamunean;
oro irriz zagozkan
Herrira heltzean.
Pello, zer mila debruk
Jo hau sudurrean?
Pellok: Utz nazazue
Othoi ni bakean.
Haur guziak ondotik,
Chakhurrak saingaka,
Lau zehe sudur hoiez
Nola ez ahalka?....
Etchera doha ustez
Andrea balaka
Ez diro ichilaraz
Han haren kalaka.
Azkenekotz Pellori
Burura zaio jin
Hirurgarren galderik
Ez dutela egin,
Sudur soberakin hoi
Dio suntsi dadin.
Tripotcha suntsitzen da...
Orai du atsegin!
Alegia hortarik
Zer dagerin, huna:
Askoren gutizien
Funtsgabetasuna.
Bil ez badezakegu
Handi den fortuna
Dugun goza bederen
Gutien duguna.
|