Bertsoak egitera
[Errasti], Mariano
I
Bertsoak egitera
bildurrez naiz jarri
euskeraz nabil eta
estu eta larri.
Baņa, ala ta guztiz
ez banaiz Basarri
ez det nai kantu gabe
utzi Meza Barri
II
Emen gaude guztiok
guraso ta seme,
osabak eta illobak
lagun ta senide.
Erdi-erdian dago
Pedro danen jabe:
Apaizgintza bai dala
munduan pare gabe!
III
Pedro txikia zala
ezagutu nuan,
prakak beti urratuta
ibiltzen zituan,
abere zain landetan,
itzulari soluan,
baņa zeozer zeukan
gordeta barruan.
IV
Arantzazura joan zan
utzirik etxia
ta andik bialdu zion
aitari kartia:
ĢEmengo estudiokiņ
ez banaiz prallia,
Aramaxon egingo
naute alkatiaģ
V
Gogor liburutan
lan da lan egin zun
mutil koxkokorra zala
antxe Arantzazun.
Urteak igaro ta
gogorrago jardun
orain goi mallaraņo
igo da txapeldun.
VI
Zorionak, Pedrotxo,
nere anai laztana!
Zugaitik alai dago
Induspen gaur dana.
Zeru-lurra daukazu
begira zugana.
Ta emen bukatzen da
Mariano'ren lana.
|