Patin dirudun ez fededun

Zalduby

 Ez du urthe hambatik

 Sor herritik juanik.

 Patin ethorri zaiku

 Aberats jadanik

 Agur eta ohore,

 Nahiz denen ganik;

 Nor da orai herrien

 Patin bezein jaunik?

 Patio aberasteek

 Hola badu jaundu,

 Nola gerthatzen zaio

 Ez baita gizondu ?

 Girichtino legea

 Utzirik omen du...

 Bihotze nekhez dio

 Diru hutsak ondu.

 Patinen balentria

 Herrira jin eta,

 Gur'erlisioneaz

 Maiz trufatzen baita.

 -Jainko legea, Patin

 Ez dirozu maita,

 Huni ihes baitzare

 Ibili sosketa.

 Eskola gutirekin

 Juan bezala jinik,

 Bera beizik ez zaio

 Nihor jakintsunik.

 Aphez hoiek bezembat

 Dio, badekit nik...

 Ez zazuela sinhets

 Hoikien erranik.

 Gero Patini moltsa

 Diote ebatsi...

 -Hire ohoinek, Patin

 Milaka goraintzi!...

 Haren egitatea

 Ez dakikek gaitzi...

 Hortan segurik ez dik

 Aphezik sinhetsi!

 Bere sosak, galdurik

 Denean gelditu,

 Lausengariak zaizko

 Patini gutitu.

 Jekitatez ere bai

 Bera de tikitu...

 lehengo balentriak

 Ichilduak ditu.

 Urrundik jin hoieri

 Gauden behe orai.

 Gu bezala fededun

 Diren, ez edo bei...

 Eia gure agurren

 Hartzeko diren gei...

 Zer othe ditezkegun

 Anai aia etsai...

 Amerikano edo

 Hiritar hoieten

 Fededunak ezegun

 Dire hainitzeten;

 Ohore holakoei

 Eta lorietan,

 Gure onhets dezagun

 Eskual-herrietan...