Pattin
Zalduby
Ez du urthe hamabatik
Sor herritik juanik,
Pattin ethorri zaiku
Aberats jadanik;
Agur eta ohore,
Nihiz danen ganik;
Nor da orai herian
Pattin bezein jaunik?
Han urrun egoteak
Hola badu jaundu,
Nola gerthatzen zaio
Ez baita gizondu?
Girichtino legea
utzirik omen du...
Bihotza nekez dio
Diru hutsak ondu.
Pattinen balentria
Herrira jin eta.
Gur'erlisioneaz
Maiz trufatzen baita
-Jainko legea, Pattin
Ez dirozu maita.
Huni ihes baitzare
Ibili sosketa.
Eskola gutirekin
Juan bezala jinik.
Bera baizik ez zaio
Nihor Jakintsunik.
Aphez holek bezembat
Dio, badakit nik...
Ez zazuela sinhets
Holkien erranik.
Gero Pattini moltsa
Diote ebatsi...
-Hire ohoinak, Pattin
Milaka goraintzi!...
Haren egitatea
Ez dakikek gaitzi...
Hortan et dik segurik
Aphezik sinhetsi!
Bere sosak galdurik
Denean gelditu.
Lausengariak zaizko
Pattini gutitu.
Jakitatez ere bai
Bera da ttikitu...
Lehengo balentriak
Ichilduak ditu.
Urrundik jin hoieri
Gauden beha orai.
Gu bezala fededun
Diren, ez edo bai...
Eta gure agurren
Hartzeko diren gai...
zer othe dituzkegun
Anai ala etsai...
Amerikano edo
Hiritar hoietan
Fededunak ezagun
Dire hainitzetan;
Ohore holakoei
Eta lorietan.
Gure onhets detzagun
Eskual-Herrietan...
|