Misionestak Hazparnen
Adema, Gratien
1
Misionestak Hazparnen oihu dolamenez,
Nehor gure artean eririk badenetz.
Hurbil gaiten guziak laster bihotz onez,
Sendaturen gaituzte atsoluzionez.
2
Deyheralde misionest beharren hazlea,
Haren parabolari ez daite enea.
Bera ere baitugu herriko semea,
Makur litake horren hemendik joaitea.
3
Hiriart zer sujeta bere kadiratik,
Zer egia sarkorrak bere predikutik.
Nahi gaitu beiratu guziak galtzetik,
Iduri mintzo dela ifernu zolatik.
4
Nol'utz aipatu gabe oi musde Cottiart?
Harek ere egin du ainhitz Jainkotiar.
Arbolarik harekin ez ditake eihar,
Ez ginuke jaun hori herritik utzi behar.