Eria eta Errechinola.Kopla

Eri Bat

 1

 Kantarien errege!

 Hire kantatzeko,

 Gai denik noir daiteke

 Hitaz beraz kampo!

 Geroztik itsumendu

 Zerbait othe dut nik?

 Ez, ezkertiak ez du

 Neurritzen indarrik.

 2

 Modestiaz bethea,

 Gauaz duk kantatzcn,

 Unhaturik jendea

 Lo denean jartzen.

 Hik uste duk bakarrik

 Haizela atzarria;

 Erne zagok hargatik

 Khechu den eria.

 3

 Bai, erne zagok eta

 Oi ! ohatze pean

 Sasitik hire kanta

 Hasten dukanean,

 Ordutik ene minak

 Zaizkidak ichiltzen

 Eta gau luzeenak

 Labur iduritzen.

 4

 Maiteaz orhoiturik,

 Hago hasperenez,

 Hurbil izanagatik,

 Gauaz ikhusten ez.

 Al ! nahiz agian hiri

 Lagun itzalia,

 Kanta, kantazak bethi,

 Ez ahantz eria.

 5

 Batzuetan gorago

 Duk altchatzen boza

 Orduan urrunago

 Duk senti esposa:

 Oi ! aphal, berdin gora,

 Zoin den hunkigarri!

 Bai zohak bihotzera

 Handik dena jalgi.

 6

 Zertako primaderak

 Ez iraun bethiko!

 Iphar gocho, loreak,

 Bakharrik lekhuko!

 Laster (zorigaitzean!)

 Demboraren ihes,

 Ganen haiz, ni ohean

 Utzirik nigarrez.

 7

 Adios ! bizi banaiz

 Heldu den urthean.

 Othoi phausatuko haiz

 Ohiko tokian;

 Lanjeretik han urrun,

 Ta hurbil maitea,

 Kantatuko duk legun,

 Emadak fedea.