Jondoni Petri edo Piarres apostoluaren kantika

Zalduby

 Hasteko eta kopla artetako errefaua.

 1º Hau, Jondoni Petiri herriko

 patroina dutenek kantatzekoa.

 Gure Patroin Saindua,

 Jondoni Petiri,

 Egiozu guretzat

 othoitz Jainkoari.

 2º Hau, Jondoni Petiri patroin ez

 den herrietakoa.

 Apostolu handia,

 Jondoni Petiri,

 Egiozu guretzat

 othoitz Jainkoari.

 1

 Piarres itsasoan

 zen arrantzan ari;

 Jesusek ikusirik

 erran zion: «Haugi:

 «Hire anaiarekin

 «niri jarraik hadi;

 «Nik eginen zaituziet

 «jende arrantzari».

 2

 Bi anaiek guziak

 zituzten han utzi

 Eta deus gabe ziren

 jarraiki Jesusi.

 Gero zuen Piarres

 Jesusek hautetsi

 Bere Apostoluen

 bildumako nausi.

 3

 «Nor naizela, diote?»

 Jaunak galdeginik,

 «Ni nor naizen nahi dut,

 «entzun zuen ganik.»

 Hau ihardetsi zion

 Petirik lehenik:

 Kristo Jainko Semea

 «zarela diot nik».

 4

 «Ene Aitak argituz

 «zeren mintzo haizen,

 «Hire gainean diat

 «Eliza finkatzen

 «Haren zimenduko haut

 harrokatzat hartzen,

 «Bernuko oldarrek

 «higi ez haitzaten».

 5

 «Emanen darozkiat,

 «zeruko gakhoak:

 «Arimen salbatzeko

 «podore osoak:

 «Hik lachatuak edo

 «lothurikakoak.

 «Berak egintzat ditik

 «harturen Jainkoak».

 6

 Piarres hola zuen

 Jesusek ezarri,

 Lurreko Elizaren

 lehen buruzagi;

 Artzainen beren artzain,

 gida eta argi;

 Egia federkoen

 trenkatzaile garbi.

 7

 Piarresen untzia

 behin itsasoan

 Kalerna zirimolez

 hondatzera zohan,

 Jesus lo haitzagoen;

 deskantsu osoan;

 «Jauna salba gaizatzu».

 oihuz dagozko han

 8

 Jesusek chutiturik

 dio kalernari:

 «Nik manatzen baitaiat,

 «ichil bara hadi».

 Nausiak manu hori

 egin bezein sarri,

 Itsaso'ta haizeak

 geldi ziren jarri,

 9

 Orai ere iduriz,

 untzi hura bera

 Munduko uhinetan

 lohake galtzen:

 Jainkoak lo dirudi;

 bainan gauden beha...

 Eliza garhaitzale

 da bethi athera.

 10

 Goiz batez Piarresi

 untzira sarthurik,

 Jesusek erran zion

 «Sarea zak aurdik».

 «Jauna, ez dut atzeman

 «sarean deus gaur nik.

 «Bainan aurdikiren dut

 «berritz, nuk errarik».

 11

 Piarresek sarea

 botatu orduko,

 Arrainen betheegiz

 hausten dohako.

 Jesusen oinetan da

 jartzen belhauniko:

 «Jauna, bekhatoros naiz,

 zuri hurbiltzeko».

 12

 Nausia ukhaturik.

 geroztik Piarres,

 Khiraski egun oroi

 ari zen nigarrez;

 Jesusen amodioz

 bihotza suharrez,

 Minez zagon, mundua

 sustatu beharrez.

 13

 Bere Aitaren gana

 Jesus igan eta,

 Petirik zuen oso

 Elizaren artha.

 Erromaz egin zuen

 bere hiri hauta.

 Girichtino guziek

 hura zuten aita.

 14

 Piarresek Fedea

 hain zuen hedatu,

 Nun Emperadorea

 baitzen asaldatu.

 Hiltzera zuenean

 hunek kondenatu.

 Buruz behera zuten

 gurutzefikatu.

 Azken bi kopla berech hauk

 mariñelentzat dire:

 Gu ere zu bezala

 Jondoni Petiri,

 Itsasoko mariñel

 eta arrantzari...

 Gure nekhe gaitzetan

 oihuz gaude zuri;

 Ah! izan zakizkigu

 othoi urrikari.