Jondoni Petri edo Piarres apostoluaren kantika

Adema, kalonjea

 Hasteko eta kopla artetako errefaua

 1º Hau, Jondoni Petiri herriko

 patroina dutenek kantatzekoa.

 Gure Patroina Saindua,

 Jondoni Petiri,

 Egiozu guretzat

 othoitz Jainkoari.

 1

 Piarres itsasoan

 zen arraintzan ari;

 Jesusek ikusirik

 erran zion: «Haugi:

 Hire anaiarekin

 niri jarraik hadi;

 Nik eginen zaituztet

 jende arrautzari».

 2

 Bi anaiek guziak

 zituzten han utzi

 Eta deus gabe ziren

 jarraiki Jesusi.

 Gero ziren Piarres

 Jesusek hautetsi

 Bere apostoluen

 bi lumako nausi.

 3

 «Nor naizela, diote?»

 Jaunak galdeginak,

 «Ni nor naizen nahi dut

 entzun zuen ganik»

 Hau ihardetsi zion

 Petirik lehenak:

 «Kristo Jainko Semea

 zarela diot nik»

 4

 «Ene Aitak argituz

 «zeren mintzo haizen

 «Hire gainean diat

 «Eliza finktzen

 «Haren zimenduko haut

 «harrokatzat hartzen,

 «Ifernuko oldarrrek

 «higi ez haitzaten.»

 5

 «Erranen darozkiat,

 «zeruko gakhoak;

 «Arimen salbatzeko

 «podore osoak:

 «Hik lachatuak edo

 «lothurikakoak,

 Berak egintzat ditik

 «harturen Jainkoak»

 6

 Piarres hola zaen

 Jesusek ezarri,

 Lurreko Elizaren

 lehen buruzagi;

 Arzainen beren artzain,

 gida eta argi;

 Egia fedezkoen

 trenkatzaile garbi.

 7

 Piarresen untzia

 behin itsasoan

 kalerna zirimolez.

 hondatzera zohan.

 Jesus lo baitzagoen,

 deskantsu osoan;

 «Jauna salba gaizatzu

 oihuz dagozko han.

 2º Hau, Jondoni Petiri patroin ez

 den herrietakoa.

 Apostolu handia,

 Jondoni Petiri,

 Egizu guretzat

 othoitz Jainkoari.

 8

 Jesusek chutiturik

 dio kalernari:

 «Nik manatzen daroat

 «apazega hadi.»

 Nausiak manu hori

 egin bezein sarri,

 Itsaso'ta haizeak

 geldi ziren jarri.

 9

 Orai ere iduriz,

 untzi hura bera

 Munduko uhinetan

 lohake galtzera:

 Jainkoak lo dirudi;

 bainan gauden beha...

 Eliza garhaitzale

 da bethi athera.

 10

 Goiz batez Piarresi

 untzira sarthurik,

 Jesusek erran zian

 «Sarea zak aurdik.»

 -Jauna, ez dut atzeman

 sarean deus gaur nik.

 Bainan aurdikiren dut

 brritz zuk errarik.»

 11

 Piarresek sarea

 botatu orduko,

 Arrainez betheegiz

 haustera dohako.

 Jesusen oinetan da

 jartzen belhauniko:

 «Jauna, bekhatoros naiz,

 zuri hurbiltzeko.

 12

 Nausia ukhaturik,

 geroztik Piarres,

 Khiraski egun oroz

 ari zen nigarrrz;

 Jesusen amodioz

 bihotza suharrez,

 Minez zagon, mundua

 sustatu beharrez.

 13

 Bere Aitaren gana

 Jesus igan eta,

 Petirik zuen oso

 Elizaren artha.

 Erromaz egin zuen

 bere hiri hauta.

 Girichtino gozirk

 hura zuten aita.

 14

 Piarresek Fedea

 hain zuen hedatu,

 Nun Emperadorea

 baitzen asaldatu.

 Hiltzera zuenean

 hunek kondenatu.

 Buruz behera zuten

 gurutzefikatu.

 Azken bi kopla berech hauk Ternuzalenak dire:

 Gu ere zu bezala

 Jondoni Petiri,

 Itsasoko mariñel

 eta arrantziri...

 Gure nekhe gaitzelan

 oihuz gaude zuri;

 Ai! izan zakizkigu

 othoi urrikari.

 Gu ugarte hautako

 Eskualdun jendeak,

 Orai gaitu ederki

 argitzen Fedeak

 Ethorri baitzaizkigu

 osoki gureak,

 Gure arimen artzaoin

 herritar maiteak.