Ezkio'ko Ama lagun eiguzu

Erauskin Errotari

 Agur Ama Ezkio'n

 azaltzen zerana,

 Euskaldunak ara or,

 batzaldu zugana,

 irripar egitea

 naiz askoren lana

 zerbait oi-esan bada

 or gertatzen dana.

 ¿Zer naidezu azalduz

 naigabezko era,

 alzatoz gure bide

 txarra zuzentzera?

 Gaiztakeri aundiak

 egiñak bagera

 damuz nai degu bildu

 zure babesera.

 Gaiztoak indar dute

 zoritxarrez orain,

 eta guziak jarri

 zaizkigu buruz gain.

 Nun-nai egiñaz dabiltz

 nai duten aña irain,

 baña zure laguntzaz

 bagera oien lain.

 Ez, bada menderatzen

 gaixtoen indarra,

 ondatzera dijoa

 Euskal Erri zarra,

 oneraño ez dedin

 gaiztokiko garra

 eskatzea degu zure

 laguntza Goitarra.

 Gaiztoak ondu eta

 onak obegotu,

 emengo naspilletan

 ez gaitezen lotu.

 Zure biotz aundian

 nai degu berotu,

 sinismenez zaitzagun

 amatzat aitortu.

 Naiz askok ez sinistu

 agertzen zeranik,

 ikusten zaitun bati

 sinistu nion nik,

 laguntz eske naiz Ama,

 besoak zabalik,

 Zure laguntza gabe

 ez degu gauz onik.

 Ama lagundu bada

 Euskal Erriari

 Orain beintzat dago ta

 laguntz eske larri,

 seme txar asko dauzka

 etsaiak ugari,

 izan zaitez bada arren

 guzion zaindari.