Negoziazioa

Epelde, Ander

 1

 Momentu hontan bertso kantari

 egin nahi nuke aproba

 eta askori esango diot

 egi batzuek gustora

 ez zoazte inola

 errepresioz gora

 guk estutuko gerriak

 bene benetan une larriak

 ditu gaur Euskal Herriak.

 2

 Egia esanda jarri zaizkigu

 guri gauzak oso zailak

 baina oraindik etsai maiteak

 gu ez gaude noski hilak

 izan zaitezte abilak

 kendu guardia zibilak

 orduan pozezko eguna

 zorionean lortuko dugu

 herrian askatasuna.

 3

 Herri honetan beti nahi dugu

 denok egizko bakea

 ea horrela behin betirako

 itzaltzen den armen kea

 hautsi daigun katea

 hori zuentzat kaltea

 zoazte bada etxera

 PSOEtarrak joan zaitezte

 betiko Madril aldera.

 4

 Nola liteke Euskal Herrian

 etsaiarekin bat egin

 eta gainera herrian aurka

 tamalez gogor ahalegin

 gehiago ez hitzegin

 zuentzako bai gogorra

 herriarentzat traidoreak

 ez dute joera jatorra.

 5

 Mundu guztiak jakin dezala

 gu euskaldunak gerala

 egia hori uka nahi duenai

 sartu kaskarrean bala

 euskalduna da apala

 baina noski ez hutsala

 dihoa bide argian

 alper alperrik ari zarete

 nortasuna ito nahian.

 6

 Egurra ematen herri honetan

 zorionez duzue jai

 hala eta guztiz gizon garenez

 zigorrak ez ditugu nahi

 ipini arpegi alai

 laster libre gara bai

 ta hori goaz lortzera

 zorionean muga guztien

 gainetik goaz aurrera.

 7

 Frantzia eta Espainia entzun

 gure askatasun nahia

 eta mesedez ez zaitezte ba

 hori ukatzen saia

 zeren daukazue jaia

 bait gara nazio gaia

 naiz ta herri txikia izan

 burua beharko makurtu.

 8

 Arrazoirikan ez duzuenez

 bakarrik armen indarra

 hala ta guztiz geureari eusteko

 oraindik badugu garra

 egoera da txarra

 gutxi galtzeko beharra

 galtzaile aterako etsaia

 guk aspalditik dugu gerturik

 negoziazio mahaia.

 9

 Berriro ere esango dut nik

 gu ez gara espainolak

 beste aldekoak ere ez dira

 frantsesak lagun inola

 agiriak diote hola

 hori ilun dagola

 honi uzten diogu tokia

 Euskal Herrian zorionean

 nagusi da utopia.

 10

 Utopikoak ez dugu galdu

 irabazteko esperantza

 barru barruan sarturik dugu

 independentzi arantza

 hortan goaz gorantza

 ematen diogu antza

 helburua dago argia

 utopia hori Euskal Herrian

 aurki bihurtuko egia.