inprimatu
Eztarria dut mingotza
Izenburua:
Eztarria dut mingotza
Sinadura:
Enbeita, Jon
Urkizaren iruzkina:
Egilea(k):
Enbeita, Jon

Argitalpena:
Karmel.
Urtea:
1990
Argitalpenaren urtea:
Alea:
1
Orrialdea:
28

 

 

 

 

faksimilea ikusteko


Eztarria dut mingotza

 

Enbeita, J.

 

 Eztarria dut mingotza,

 hau atsekabe zorrotza!

 heldu zen gaiso arrotza,

 esaten ere naizlotsa;

 hainbat urtean bizia truke

 itsaso hortan morrontza.

 Gaur bi begiak lausotuak ta

 dardaraz daukat okotza;

 ezin dut kanta, ezin dut esan

 lehertua bait dut abotsa.

 Leiho ertzetik entzun zaitudan

 itsas olatuen hotsa,

 etorri zaitez laztan dezazun

 elbarri honen bihotza.

 

 Zure gatzaren aparra,

 zure olatu indarra,

 zure kresalaren garra

 daukat aitortu beharra.

 Zenbat urtetan zure altzotan

 itsaso eta izarra!

 Zure hotsean gaur etorri zait

 gazte aroko izparra;

 zure altzoan laztandu nuen

 Hegoa eta Iparra;

 mugitu ere ezin naiz egin,

 hau da nire zoritxarra;

 zure altzoan nahi dut atseden,

 hauxe dut amets bakarra.

 


inprimatu