Zuen txaloak nire biotza

Enbeita, Balentin

 Zuen txaloak nire biotza

 maitasun sutan dau gartu;

 erantzun barik geratutea

 ontzat ezin neike hartu.

 Euskaldun danon partez nai neuke

 Aita Santua agurtu,

 Erromatarren arrera ona,

 anai antzean eskartu.

 Anai-arrebak, egun onegaz

 egin gaitezan ohartu.

 Euskalerriko mendi gainean

 izar barri bat da sortu.

 Aita Domingon jokabidean

 geuria daigun errotu,

 berak zituzan itxaropenak

 euskal fedean indartu,

 herria jaso, loturak kendu,

 maitasun baten alkartu,

 Euskalerriko anai-arrebok,

 bakea nai bada lortu.