"Zeruko Argia"k pozturik hemen

Enbeita, Balentin

 I

 "Zeruko Argia"k pozturik hemen

 Txori zahartxo bat kantari

 Zorioneko Urte Barria

 Opaldu nahirik danori

 Nahi nukena da itzal apur bat

 Bakoitzan iritziari

 Urte Barri hau izan dagigun

 Euskararen oroigarri.

 II

 "Zeruko Argia"k ezin euki lei

 Euskaldun areriorik

 Ama batek lez hartuten gaituz

 Desberdintasun bagarik

 Iritzi danai lekua emon

 Honetan ez du dudarik

 Noiz "II" eta "H" bakoak

 dauden bezela jarririk.

 III

 "Zeruko Argia"k zabaldu zigun

 Euskerarentzat oiala,

 Udabarriak zelai baratzak

 Loratzen ditun bezela

 Autortu behar gure Euskarai

 Asko lagundu diola

 Hori ikusten ez duan batek

 Piztu dezala kandela.

 IV

 "Zeruko Argia"k izen ederra

 Argi zalearentzako

 Eta argia beharrekoa da

 Gaurko ilunak kentzeko

 Aldizkari hau egina bada

 Euskaldun guztiontzako

 Zabaldu bedi bere argia

 Lo daudenak esnatzeko.