[Txomin Agirre]. Euskaldun...

Enbeita, Balendin

 Txomin Agirre izan genduan

 egizko euskaldun zintzua

 pare-gabeko euskal idazle,

 ertilari jakintsua.

 Jakintzaz aundi, baña apala,

 erri maitale sutsua,

 nagirik bako langille trebe,

 borondatez indartsua,

 «Garoa» eta «Kresala»k dauke

 bere jakintzan mintsua.

 Izakera alai eta apala

 urre-gorrizko biotza.

 Altasun aundi, naimen zindoa,

 santua bere bizitza.

 Bere Euskera ta idazkera

 eder ata aberatsa.

 Zorioneko Txomin Agirre,

 zuk landu zendun baratza.

 Euskalerriak gizon oneri

 mesede asko zor dautza.