Tximinipeko auspo zaharrari

Enbeita, Balendin

 Ezkaratzeko tximinipeko

 Auspo zaharraren kasua,

 Bizi guztian beteko zuen

 Ondo bere arazua,

 Naizta egurrez betea egun

 Zuen inguru osua

 Auspo zaharraren laguntza bage

 Nekez bizkortzen da sua.

 Amona zaharrak hartuko zuen

 Aurrekoaren erentziz

 Amonak berdin jarraituko du

 Ondorengoari utziz,

 Eta auspoa denaren lagun

 Bere putzaren irrintziz

 Hainbat alditan sua piztua

 Esku askoren igurtziz.

 Iltze zaharretik zintzilik dago

 Tximiniaren erdian

 Bere beharra daukanan adi

 Beti gertu sukaldean,

 Oinik oinera, eskutik esku

 benak dabile aidian

 Lanen ordainik bage bizi da

 Ernai suaren guardian.