|
Eguberri edo Gabon egunak
Enbeita, Balendin
Indarren jaube diran
Zabaltzen asi dira
Gabon Zorionak
Aztu eziņak diran
Pozezko egunak.
Danok izan nai dogu
Zori onen jabe,
Eta geugaitik gagoz
Zorionik gabe.
Gura badogu lortu
Geure Zoriona
Ez daiogun ukatu
Bakoitzai berena.
Begiratu daiogun
Mundu zabalari
Gose, egarriz, txiro
Bizi diranari.
Oientzat ere bardin
Ditugu Gabonak
Eskubide bardiņaz
Ospatzeko danak
Baiņa mundua dago
Oso biurria,
Ezin asetua da
Odol egarria.
Nun da kontzientzia?
Nun da maitasuna?
Odol gosian baldin
Badabil gizona?
Orra posezko Gabon
Negar malkoetan,
Indarren jaube diran
Batzun ezkuetan.
Goikuak ez badira
Maitasunen jabe
Pozezko Gabon malkoz
Biurtuko dabe.
Zorioneko Gabon
Eta Urte Berri
Maitasunak bakarrik
Legikez ekarri.
|
