Baserri-sukaldea
E[nbeita], Balendin
1.
Baserritxuko sukalde samur,
Apal maitati otzana:
Arantz artean arantza barik,
Itxaropentsu barrena.
Benetan bai da zorioneko
Zugan siņisten dauana.
Zu zara gure Betikoaren
Oin-arri tinko onena.
2.
Txirua dozu izakerea,
Alan be urrezko bizitza;
Ez-eukiaren laguna zara,
Baiņa zoriz aberatsa:
Arantza miņak eukiarren be,
Beti kantari biotza,
Zeure samiņen asegarria
Betikoari otoitza.
3.
Begiratzean ituna damost,
Auznar ondoren alaia;
Zure izatean zorun-bidea,
Bizitza arantzez betia.
Biotz samiņen euskaia eta
Etortekoan argia,
Zorion barik bizi diranean
Zorion-txangil eztia.
4.
Itzez ta jolas, zintzoen eder,
Barrena beti ixillik.
Izate onen aunditasunak
Es dautzu egin gaiņezik.
Ustez txikia zarean arren,
Ezta zu lango aundirik:
Zure ezpanetan egia dager,
Barruan ez gorrotorik.
5.
Baiņa zoruntsu zu izanikan,
Zelan daukasuz arantzak?
Txiroa izanik, aberatsaren
Urre gorrizko meatzak?
Ezkutapena dala dirudi
Darakuskuzun bizitzak!
Zugan ba-dogu zer-ikasia,
Gura ba-dogu, bakoitzak.
6.
Baserritxuko sukalde samur,
Apal maitati otzana:
Arantz artean arantza barik,
Itxaropentsu barrena.
Benetan bai da zorioneko
Zuri entzuten dautzuna;
Zure esanak emongo dautsa
Betirako atsedena.