Baita Domingo Iturrateri
Enbeita, Balendin
Aita Santu Jaun Agurgarria
Agur eleiza kistarra,
Ate zabalik hartu gaituzan
Aberri Italiarra,
Aita Domingon omenez doa
Eratu gaurko biltzarra,
Eusko fedea bizirik dala
Argi dirauskun Ğlizarrağ
Baina mirabe negez bizi da
Gure Euskal Herri zaharra,
Justizi eta nortasun eske
Urratu du deadarra,
Aita Domingo zure bitartez
Betor Jaunaren indarra
Amaitu hainbat herri ta gizon
Erru bakoen negarra
Hil gorrotoaren garra
Biztu maitasun Ğizarrağ
Mundu hau dedin herri ta gizon
Azkeen sendi bakarra,
Hau da Euskadik nere bertsoan
Gaur dakartzuen izparra
Zuen txaloak nere biotza
Maitasun sutan du gartu
Erantzun gabe geratutia
Ontzat ezin neike ahartu
Euskaldun danon partez nai nuke
Aita Santua agurtu,
Erromatarren arrera ona
Anai bezela eskartu,
Anai arrebak egun onegaz
Egin gaituzan ohartu,
Euskal Herriko mendi gainean
Izar berri bat da zortu,
Aita Domingon jokabidean
Geuria daigun errotu,
Berak zituan itxaropenak
Euskal fedean indartu,
Herria jaso, loturak kendu
Maitasun baten alkartu
Euskal herriko, anai arteko
Bakea nahi bada lortu.