Eskualdunek Andre Dena Maria Pilarrekoari

Zalduby, G.A.

 Eskualdunek, O Birjina Maria.

 Amodio, ohore dautzugu.

 Zoin zaren ou, puchant, miragarria,

 Nork sekulan aski erranen du?

 Eskualduna zure arbasoekin

 Jende zela diote, demboraz:

 Zure odol bereko gare egin.

 Zure seine Jesusen odolaz.

 Gure Ama zarela orhoit zaite,

 Gurutzetik Semeak emana.

 Zure haurrak gu hain gaitutzu maite.

 Zarelakotz Jainko baten ama.

 Zu oraino munduan zinelarik.

 Agertze bat egin baitzinaukun

 Eskualdunak lehen lehenetarik

 Izan ginen eginak fededun.

 Zuk zinaukun zure Apostolua

 Gutartean zelarik lagun:

 Zuk orduan utzi Pilhar saidua

 Saragozen ohoratzen dugu.

 Pilhar hura harri bat den bezala,

 O Maria, zure nahia zen,

 Gogor eta azkarrik ginezala

 Fede bera orok atchik chuchen.

 Hemezortzi ehun urthe baditu,

 Fedearen gutan landatzeak

 Eskualdunak bethi gaizko gelditu

 Katoliko nahaste gabeak.

 Eskualdunei Fedea khendu nahiz,

 Etsai beitzek gaituzte hertsatzen,

 O Maria, zu gure alde jarriz.

 Deusek ere ez gaitu lotsatzen.

 Gure zuzen lurrekoak galdurik

 Oso dugu oraino Fedea,

 Eskualduntzat ez da ezaguturik

 Gutartean sinheste gabea.

 Gure Ama, zuk begian gaitzatzu

 Nausi eta lege gaichtotarik;

 Jainko legez bizitzeko dohatsu

 Ez dezagun izan deus trabarik.

 Othoi lagun gaitzatzu o Maria

 gure behar ordu guzietan,

 Osagarri, ontasun, familia.

 Zerurako gure urratsetan.