Eskualdunek Aita Sainduari

Zalduby

 Bere lehen Mezaren berrogoi eta hargarren urtheburuko

 Dembora goibel hautan

 zer ikusgarria!

 Erromari beha da

 mundua jarria.

 Handik heldu baitzaiku

 Zeruko argia;

 Han baita Aita Saindu

 Leone handia.

 Orai du hamar urthe

 dela Aita Saindu

 Haren Apheztasunak

 mende erdia du.

 Urre eztaien besta

 denek zor diogu:

 Biba! Aita Saindua,

 dugun egin oihu.

 Aphezpiku maitea

 bazohaz zu ere.

 Erroman egiterat

 Aitari ohore.

 Fedez eta bihotzez

 zurekin bat gaude;

 Eskualdunei Aitari

 mintzaturen zare.

 Eskualdunen arima,

 o! Aita Saindua,

 Zuri bai zuri dago

 tinkoki lothua.

 Bethi haren Fedea

 zutaz argitua,

 Garbirik dago eta

 ezin bentzutua.

 Hirur Fededun alde

 lehengo mendetan.

 Bazituen Elizak

 gure herrietan.

 Hirur heien izenak

 nahi laizte betan,

 Gure Aphezpiku bat

 aiphatzen denetan.

 Othoitz hau entzunazu

 o! artzain nausia;

 Baiona izan dadin,

 alkhi berezia,

 Leskar et' Oloroni

 izenez josia...

 Eder da hirur lorez

 Khoro bat jauntzia!