Izaro

Enbeita, Kepa

 Izaro ugartea,

 Izaro, Izaro,

 Laida'tik ur-urrian

 Luzaro luzaro

 Itxasoen altzuan

 Azke ta gozaro

 Iñoiz gogaitu barik

 Beti antxe dago.

 Goyan, zerua eta

 Beian itxasoa

 Onek damotsolarik

 Besarka gozoa

 Bera da ugazaba,

 Bera gurasoa,

 Beti azke bizi dan

 Zorionekoa.

 Urtiak igaro ta

 Urtiak irago,

 Ez zartu ez gaztetu,

 Sen batian dago,

 Zirkiñik egin barik

 Arau ez onago:

 ¡Gaurko gizonok baño

 Zerbait sendoago!