inprimatu
Artzain... XXVII. Gaude gu Eskualdun
Izenburua:
Artzain... XXVII. Gaude gu Eskualdun
Sinadura:
Adema, Gratien (Zalduby)
Urkizaren iruzkina:
Egilea(k):
Adema, Gratien

Argitalpena:
Escualduna.(Eskualduna).
Urtea:
1909
Argitalpenaren urtea:
23
Alea:
1174.zk.
Orrialdea:
4

Artzain beltcharen neurthitzak. Alegiak (XXVII. Gaude gu eskualdun)

 

Zalduby

 

 ERREPIKA

 

 Zazpi Eskualherriek

 bat egin dezagun

 Guziak bethi, bethi,

 gauden gu Eskualdun.

 

 1

 

 Agur eta ohore

 Eskualherriari;

 Lapurdi, Bisa-Nabar,

 Zibero gainari:

 Bizkai, Nabar, Gipuzko,

 eta Alabari.

 Zazpiak bat besarka

 lotz beitetz elgarri.

 

 2

 

 Haritz eder bat bada

 gure mendietan.

 Zazpi adarrez dena

 zabaltzen airetan,

 Frantzian, Espainiari,

 bi alderdietan

 Hemen hiru'ta han lau,

 bat da zazpietan,

 

 3

 

 Ekhalde Iberrian

 noiz othe sortua?

 Lau mila urthe huntan

 hunat aldatua

 Hain handi eta azkar

 lehen izatua,

 Orai gure haritza

 zein den murriztua!

 

 4

 

 Funditua uholdez,

 zar molez, ortziz;

 Aizkorari arrotzek

 adargoiak hautsiz;

 Harrek ere ichilka

 barnerik iretsiz;...

 Haritz maitea, min duk

 aphaltzea gaitziz.

 

 5

 

 Gure haritz hau, azken

 mende hautaraino,

 Zaharturik ere zen

 eder bezein sano.

 Bere lur hoin garbian

 oso zagoeno,

 Gainetik zoakona

 behar zen arrano.

 

 6

 

 Hi haiz, Eskualherria,

 haritz hori bera,

 Arrotza nausiturik

 moztua sobera.

 Oi! gure arbasoak,

 ez, othoi, ez beha

 Zein goratik garen gu

 jautsiak behera.

 

 7

 

 Eskualduna jendetan,

 Eskuara mintzotan,

 Lehen-lehenak dire,

 jakinen ahotan.

 Nahiz orai arrotzak

 azpian hadukan,

 Eskualduna, egoadi

 Eskualdun herrunkan.

 

 8

 

 Gu gare, Eskualdunak,

 berechiak beraz

 Gure ethorkiz eta

 mintzaira eskuaraz.

 Nihongo arrotzekin

 ez dadien nahas,

 Arrotzek gur'eskuara

 Ez dirote ikhas.

 

 9

 

 Gureak ziren lehen

 bazter hauk guziak,

 Arbasoek utziak,

 hek irabaziak.

 Guri esker Frantziak

 eta Espainiak

 Daduzkate dituzten

 Eremu handiak.

 

 10

 

 Mairu beltza zelarik

 Espainiari nausi,

 Nabasen Eskualdunak

 egin zion jauzi.

 Hark ekharri gatheak

 han gintuen hautsi,

 Eta bilez bertzeak

 igorri ihesi.

 

 11

 

 Orduan gure alde

 oihuz zauden oro:

 «Bere lurretan nausi

 «Eskualduna bego.

 «Frantziak, Espainiak,

 «bai orai bai gero,

 «Deus khendu gabe dute

 «gerizatu gogo».

 

 12

 

 Agintz'hoitaz geroztik

 gan dire demborak.

 Ukhatu diozkate

 hartzedunei zorrak.

 Oi! indar makhurraren

 lege latz gogorrak!

 Galduez zuzendunen

 alfer heiagorak.

 

 13

 

 Ez bahaiz, Eskualduna,

 lehen bezein handi,

 Aphaldu gabe chutik

 bederen egoadi,

 Odolez eta fedez

 bethi berdin garbi,

 Bethi tink'atchikia

 hire Eskuarari.

 

 14

 

 Gureez gure lehen

 hain libro ginenik,

 Ezin ahantziz gaude

 orduko zuzenak.

 Zer ametsak ditugun,

 zer orhoitzapenak!

 Jaungoikoak bakharrik

 badakizka denak.

 

 15

 

 Zuri gaude othoitzez,

 Jaungoiko maitea,

 Lagun zazu zerutik

 Eskualdun jendea,

 Begira dezan bethi

 lehengo fedea,

 Zor zaizkon zuzenekin

 ardiets bakea.

 


inprimatu