inprimatu
Artzain... XXVI. Eskualdunak
Izenburua:
Artzain... XXVI. Eskualdunak
Sinadura:
Adema, Gratien (Zalduby)
Urkizaren iruzkina:
Egilea(k):
Adema, Gratien

Argitalpena:
Escualduna.(Eskualduna).
Urtea:
1909
Argitalpenaren urtea:
23
Alea:
1173.zk.
Orrialdea:
4

Artzain beltcharen neurthitzak. Alegiak (XXVI. Eskualdunak)

 

Zalduby

 

 1

 

 Eskualdunak nor eta zer garen

 Ez dugu behar ahantzi

 Ekhialdeko jendaia zaharren

 Ginela lehen azkazi.

 Iberrin ginen hasi

 Bizitzen berech gure nausi:

 Iberritar berberak hemen

 Eskualdun ginen berezi,

 Gure Eskualherri hautan lehen

 Gure legez ginen bizi;

 Sekulan arrotzik ez ginuen

 Gure nausitzat onetsi.

 

 2

 

 Aberats bai hastetik aberez

 Ibar eta mendietan.

 Gero burdin, zilhar eta urbez

 Lur barnetako mietan;

 Eskualduna denetan

 Antzedunena zen jendetan.

 Gero abiatu zen urez

 Bidaiatzen untzietan;

 Pheniziatik ingurunez

 Sartzen zen lur urrunetan.

 Ezagun dire deiturez

 Haren hatzak guzietan.

 

 3

 

 Hannibalen bai eta Pomperen

 Gerla-gizonen erdiak

 Eskualdun zalhu zailak ziren

 Hoberentzat berechiak.

 Nekhe, laster, jauziak.

 Haurretik hala ikhasiak;

 Beren bazter librotan deusen

 Beldurrik gabe haziak;

 Irrintzinaz gudura oldartzen,

 Gero han ezin heziak.

 Hek amorrik eman baino lehen,

 Hilzera zauden guziak.

 

 4

 

 Goizik ginen gu girichtinotu,

 Ja Jainkobatar ginenak;

 Santiagok baigintuen argitu

 Gu orotarik lehenak.

 Ama Jainkoarenak,

 Saragozen agertu zenak,

 Bere Pilharra utzi daugu,

 Hari berma gaiten denak,

 Gure fedea ez du higitu.

 Geroztik etsai gaitzenak;

 Eskualdunak bethi etsai ditu,

 Kristoren etsai direnak.

 

 5

 

 Basa jendez zelaiak gaindirik

 Jen ginen mendietara;

 Gero berriz Mairuak ethorririk,

 Nihork ez zetzazken hara.

 Heier buruz gerlara.

 Noiz-nahi jausten ginen hara;

 Bortz mendez hola jazarririk,

 Jo ginuen Nabasera;

 Berrehun mila mairu han hilik,

 Itzuli ginen etchera

 Librorik, gatheak guk hautsirik.

 Espainia zen athera.

 

 6

 

 Eskualduna, zerbait hintzen ari,

 Hire mendi hauk beiratuz,

 Frantziari eta Espainiari

 Mairuen traban pharatuz,

 Biak hala salbatuz!

 Hire saria zak irakus:

 Libroenik utzi beharra hi,

 Bizi hain bertzek manatuz;

 Hirekilako patuak hautsi

 Dauzkitek hitaz trufatuz:

 Estekan tinko haute ezarri

 Hire fueroak khenduz

 

 7

 

 Mundu guziko mintzaietarik

 Zaharrena, ederrena,

 Entzuten dugu jakintsunetarik

 Dela Eskualdunarena.

 Non othe zen lehena

 Eskuara asmatu zuena?

 Lehenbiziko jendetarik

 Du Eskuarak hastapena,

 Eskualdunek dugu hau bakharrik

 Gure mintzaia zuzena,

 Eta oraino dugu hortarik

 Ohorerik handiena.

 

 8

 

 Lapurdi, Nabarpe'ta Zibero,

 Eskualherriak Frantzian;

 Bizkai, Gipuzko, Alaba, Nabarro,

 Berdin dire Espainian,

 Zazpiak bat nahian

 Bagaude aspaldi handian.

 Zazpiek bat dute izan gogo

 Elgarren oneretsian.

 Oi! zein litekeien ederrago

 Baldin, Eskualdun herrian,

 Eskualduna bere gain balego

 Bere zuzenen erdian.

 

 9

 

 Lauretch, Bizintcho, Loiola, Tchaberi,

 Lauak Saindu Eskualdunak.

 Harizpe, Ager, Zumalakarregi,

 Gure gerlari gaindunak.

 Astarloren lagunak,

 Atchular, Oihenart, hitzdunak;

 Lizarrag'eta Larramendi,

 Irakasle hain entzunak

 Bonaparte, Dibasin, Abadi,

 Intchauspe, lau jakintsunak

 Horiek dire Eskuarari aspaldi

 Argitzaile ditugunak.

 

 10

 

 Eskualdunak bereziki orai

 Fedeak gaduzka chutik.

 Jainkoaren beldurra dugu bai,

 Gizonenik ez hambatik.

 Jainkoa da goratik

 Gure nausi egundainotik;

 Guri manatzeko ez da gai

 Jainko gabeko puchantik,

 Ez sinheste, ez odol, ez mintzai

 Ez dutenak deus guretik.

 Adichkide ditugun ala etsai

 Ahal dakigu engoitik.

 


inprimatu