Ariatza'ko Santikurutz-jaietan
Enbeita, Kepa
Ariatzako jaiek Santikurtzietan
irallan amalauan urte guztietan.
Naiz aberatsetan
bardin pobrietan
jan-edanen paltarik ez da etxietan...
naiz ta eskaz ibilli beste egunetan!...
Ariatza da geure tokirik gurena
ariatzarrok beti maitatzen doguna;
Santikurtz-eguna
barriz, maitiena
aztu barik goguan beti daukaguna.
Ariatza da gutzat munduan onena!
Santikurtze-bezperan asten dira jaiak;
orduan eiten dira barrabaskeriak.
Zaragi andiak
gure gaztediak
jaietan edateko daukoz ekarriak,
duban edan dagien datozen guztiak.
Bezperan batzen gara Eleixa-aurrera,
Emetik guaz gero Bixentin labera
guztiok batera
ardaua edatera
zuri eta baltzari txurrut egitera.
Etxok iņok esaten; eznok egar-bera!...
Danak egiten dautze ardauari tire,
uste barik polito edan zenbat gure.
Gero asten dire
jira eta bire;
baņa ankak astun eta, ezin ein modure.
Ardaua eztok, mutillak, iturriko ure!...
Naizta egon zutunik egon eziņian
Asarrerik sekula ezta gure artian.
Bijaramonian
sendo gorputzian
naizta bijamona euki polite aldian.
Edanaren kezkarik ez da biotzian.
Ariatzar gaztiak andiki-modura
ardaua ekarten dabe beti zenbat gura.
Zaragi ingurura
ainbat batzen dira
lotsa barik edaten gazte eta agura.
Amaikak garbitzen jok gaztien kontura!
Goixian zuri eta atsaldian baltza,
eten bako txurrutai an ekiten dautsa.
Artu dabe matsa
ta ezin dira altza,
gorputza kilikolo ta arpegia motza.
Amaikak ixaten dau kokoloen antza...
Gaztien zaragie beti gertu dago
bakotxak nai daunian juan da edateko;
baņa entzun ondo
eta aitu obeto:
ardaua ekarten da neurriz edateko,
ez, debalde dala ta mozkorra artzeko!
Lenako zarrak guri erakutsi euskuen
zelan ibilli biar dan zaragi-kontuen.
Ikasi genduen
ta dauku buruen,
ardauaz ibilteko biar dan moduen.
Olako gitxi jagok gaur gure munduen!
Ariatzarrok beti aldi guztietan
eurentxuak ein dabez Santikurtz-jaietan.
Dantzo-aurreskuetan
naiz jan edanetan;
gaur be nai daunak olgau olango gauzetan
Ariatzara etorri Santikurtzietan.
(Ostea)
Ariatzako jaiek amaitu dira-ta
Gaztedi guztia da erdi tristetuta.
Janak amaituta,
zagiak ustuta,
Gixti ardura, barriz, balegoz pagauta!
pasentzia artu biar, egingo dira ta!
