inprimatu
Artzain... XIX. Churiko
Izenburua:
Artzain... XIX. Churiko
Sinadura:
Adema, Gratien (Zalduby)
Urkizaren iruzkina:
Egilea(k):
Adema, Gratien

Argitalpena:
Escualduna.(Eskualduna).
Urtea:
1909
Argitalpenaren urtea:
23
Alea:
1166.zk.
Orrialdea:
4

Artzain beltcharen neurthitzak. Alegiak (XIX. Churiko)

 

Zalduby

 

 1

 

 Mehetegiko chakurra,

 Zangoz, errainez makurra,

 Berga bat luze muthurra,

 Larrutik hurbil hezurra,

 Urthe guzia barura,

 Zeren zen toki chuhurra.

 

 2

 

 Amak ttikitik utzia,

 Esnerik gabe hazia,

 Tripa errainei josia,

 Uliek jaten hasia;

 Churikok bere bizia

 Hola derama guzia.

 

 3

 

 Mahainpetik kokoriko,

 Begira dago Churiko

 Artho achaltto bat noizko

 Othe zaion eroriko.

 Nausiak ematen daizko

 Doan hortik bi ostiko.

 

 4

 

 Chakhur gaichoa holakoz

 Merke hazten zutelakoz,

 Tripa hutsik, ilhun gogoz,

 Pleinuz zagon egun oroz:

 Hatzka zangoz eta hesoz

 Nihun ez zauken kukusoz.

 

 5

 

 Ohoinak ere noiz-nahi

 Horren sainga ilhaunari

 Gabaz ziren irriz ari

 «Chakhur prestua hi haiz, hi!»

 Gero ichiltzen sari,

 Jo harrika gaichoari.

 

 6

 

 Egun batez, baratzera

 Huiatzen dute lanera,

 Doan oilo haizatzera...

 Chakhur gose-ta mimbera,

 Buztana tripa behera

 Ihes doa gordetzera.

 

 7

 

 Martin etcheko muthila,

 Zalu harturik makhila,

 Haren ondotik dabila.

 Churiko chakhur abila

 Lastoan ichil-ichila

 Dago alegia hila.

 

 8

 

 Zenbeit gau egun bakharrez

 Gorde egonik herabez.

 Athera zen jan beharrez,

 Hamikatua, nigarrez,

 Estalia zaragarrez,

 Lakhastaz eta zakharrez.

 

 9

 

 Sukaldean nihor ez da;

 Sartzen da chakur herresta.

 Errekia zen prespresta,

 Zeren zen herriko besta.

 Usain, milik'eta jesta

 Dena jaten du has eta.

 

 10

 

 Etcheko andre khechua

 Hor heldu da hats-hauntua

 «Zakhur madarikatua.

 «Eia, hor, usu-usua,

 «Nik hauts artean burua,

 «Egik hire ordenua».

 

 11

 

 Ordenuak hau du beltza,

 Denen uzten bertzentza

 Churikok badaki ontsa

 Nori zerutz, nola phentsa:

 Etchekandreari gantza;

 Nausiari azken putza.

 

 12

 

 Bizian gosez egonik,

 Hilzean sobera janik,

 Huna Churikok emanik

 Zer entzun dugun azkenik;

 «Gose dagonaren ganik

 «Ez daitekela lan onik».

 


inprimatu