Ikasle baten estuasunak
Ibon
1
Mila urte bederatzirehun
hirurogei ta zazpian
eguna emeretzigarrena
urteko lehen zatian
zenbait alkate izandu zaigu
atzo Madrilgo alderdian
ikurriņa onartu dezaten
Hegoa Euskal Herrian
euskaldun denak alkar gaitezen
bandera horren azpian.
2
Ministroari esan diote
arrazoia hara joateko
alegia gure ikurriņa
foru ta euskera pizteko
modu berean euskal presoak
kartzelatik ateratzeko
Ikurriņa esan du Martinek
nazionalarekin jartzeko
Ondo dago Espaņaren pean
gaudela ez ahanzteko.
3
Hirugarren bertso hau dihoa
San Sebastian egunetik
ez aurreko bi horik bezala
egun horren bezperatik
Bart Donostian ez zen ikusten
gure ikurriņa besterik.
Atzo gaueko poza pasa zait
biharko examinagatik
Atzo juerga gaur ezin bururik
jaso liburuetatik.
