Donostia
Enbeita'tar Imanol
Ludiko erririk lirañena
Maitagarriena be bai,
Bein Donostian izandu danak
Berriz be Donostira nai:
Etxe apañak, txaide zabalak
Aldatzge ta zelai zelai:
Lau aldetatik begiratuta
Dana dago alai alai,
Bistanliak be apain jantzita
Esan lei beti dala jai.
Noizik beiñian baño eznator
Arin arinka beratan,
Ezin luzaro geratu zelan
Juan biarra daukatan.
¡Egiten dotan egotaldiya
Ze arin juatan yatan!
Begien itxi-edegitxubat
Iruritzen yat zarritan:
Orduak arin doyazelako
Donostia'ko txaidetan.
Sortu ziñandik agertu ziñan
Lirain eta apain apaña
Oituraz bere alakoizia
Esautu ziñan antxiña.
¡Gaur be alantxe guk nai doguna
Da gauza jakiñ jakiña!
Baña bildur naiz galdu etatzun
Pizkabat lengo usaña:
Udan yatortzun naparreiagaz...
¡Tamalgarriya da baña!
Uda berua datorrenian
Aziko dira agertzen,
Baztarretako zikinkerizak
Itxas ertzera garbitzen.
Zure Kontxako ur gardenetan
Garbi ez dana gelditzen,
Ez egiyozu laketu bein be
Uriyan barruan sartzen
¡Bestelan zikinduko zaituez...
Zoli ezpazera zaintzen!