Andre den Maria Betharramekoa

Zalduby

 Agur, Ama Birjina

 Betharramekoa

 Zeruko Erregina

 Eta lurrekoa.

 Oi guretzat zer ama!

 Zer arartekoa!

 Berea dadukana

 Seme bat Jainkoa!

 2

 Munduko usinpean

 Itho ez gaitezen,

 Zure botherea han

 Daukuzu agertzen;

 Erori garenean

 Gaitutzu altchatzen,

 Eta bide onean

 Maiteki laguntzen.

 Agur Ama Birjina...

 3

 Eskualdunak aspaldi,

 O Ama maitea

 Zure ganat badaki

 Hemengo bidea.

 Munduak khendu nahi

 Darokun Fedea

 Hemendik altcha bedi

 Indarrez bethea

 Agur Ama Birjina...

 4

 Gur'arbasoak lehen

 Oi zer fededunak!

 Ama zu ganat ziren

 Maiz ethortzen hunat

 Orai ere gu hemen

 Gare Eskualdunak,

 Maiz zure laguntzaren

 Beharra dugunak.

 Agur Ama Birjina...

 5

 Othoitzez gagozkitzu

 Hemen zure oinetan:

 Fedea finka zazu

 Gure bihotzetan

 Osasuna iguzu

 Gorphutz arimetan:

 Zerurat hel gaitzatzu

 Zure besoetan.

 Agur Ama Birjina...