Esker-lorea
Elordia
Zori aundiaz naizen ezkero
Asistarrarren semea,
goratu-zale leyatsu nabil
nere Aitaren ospea...
Adieratzen dit alegin onek
nere almenen algea,
zeru-lurrean arkitzen det-ta
oraindik berdin gabea,
bere gogoko donetasuna
ziñez deritzat neurgea.
Ixildu bitez goratzaleak,
auzpeztu bedi lurtarra,
nere Aitaren aunditasuna
gure indarren gain dago-ta.
Atoz egaka, gotzon liraiña...!
jetxi lurrera Ama Ona...!
Bear dan ainbat gora zazute
nere Aitaren izena...
Igarri orain: ¨Gizon bat ala
Kristo ber-bera ote da?