Udako gau ondorean
Elizondo, Bernardo
Uda eldutzen danean
Ez da gozerik echean;
Frutua bildu eziñik dabill
Nekazalea lanean
Goiz eta arratzaldean
Pozturik bere nequean.
Mushika gorri ederrak
Anitz dauzkate abarrak
Oztruak ainhat ageri dira
Udare eta sagarrak,
Mordoturik daude matzek
¡Zenbat gauza aheratzak!
Gariyak Uzta-illian
Lerden zeudenak zallian
Sega zorrotzak irauli ditu
Zabaldurikan lurrian,
Buruak jo ta kentzian
Metara jazo bearrian.
¡Zer atzegin dagon gaba
Illuntazunen alaba!
Yzar politez eginikako
Jantzi apaña daukala;
Gozua eta epela
Aurren irriya bezela.
Ari da igela kantari
Zingiratzen ereslari.
Chomorrochuak bere orrian
Ditubala laguntari,
Ipurtargiyak ugari
Argui egiten berari,
Errekako changurrua.
Zuloan dagon sapua
Poztutzen dira ikuzirikan
Gau ederraren girua;
Ernaitzen da arranua
Gabiraba ta mirua.
Goiz alderako ollarrak
Berritzen ditu kurkadak
Bai eta ere eche atean
Chacurrak bere zaunkadak;
Egatu nai du ernadak
Chanchangorri ta karnabak.
Gero gaba urratutzen
Argiya dala jaikitzen
Eguskiyaren brintza beruak
Badatoz urreratutzen
Zaigula iruditzen
Lurra dubala erretzen.
Kabiyetatik choriyak
Irtetzen dira larriyak
Argi berriya agurturikan
Berrichu choragarriyak,
¡O zer pozkidagarriyak
Diran beren eresiyak!
Eztali ditu loratzak
Baratzak eta larratzak
Ille kiskurra luzaturikan
Aunditu dira bildotzak
Eztiz beterik erlautzak
Lertzen dauzkate sakatzak.
Aimbertze gauza ederrik
Udak badauzka gorderik
Emaillearen opatazuna
Urtero adirazirik
Gure biziya zaiturik
Artu ez arren ezkerrik.
Baña udikan onena
Izango da ondorena,
Egunkiaren egunkietan
Beti iraungu dubena.
Orrelako onezpena
Otoi dezagun aurrena,
Emaille guztiz ongiña
Gogo billutzen jauzkiña
Uda ederren jabetazuna
Daukazu kendu eziña
¡Agur jabe atzegiña
Biziyaren, jatorkiña!