Zetha-zinta gorria

Elizanburu, Michel (Frèren Innocentius)

 1

 Zer mutilla naizena,

 Zinta zetha gerrian!

 Aise ene omena

 Hedatu da herrian.

 Nor ethor ene gana

 Ni balio nauena?

 ERREPIKA

 Zintoarekin nik

 Ez dut parerik,

 Urrun ez hurbil danik!

 2

 Primu famatuena,

 Jaunztura fin-finekin,

 Ekhartzen ez duena

 Zinta zetha berekin,

 Ez zaut gizon gisakoa,

 Eskualdun egiazkoa.

 3

 Non nahi izan dadin,

 Ala Bache-Nabarren,

 Nola ere Laphurdin

 Xuberuan, Amikuzen,

 Eskuaraz mintzo dena

 Bedizan zintaduna.

 4

 Galtza istupazkoak,

 Bilbatuak kotoinez,

 Ama gaixoak irunak,

 Tindatuak arrebez,

 Lehen zuzten ekhartzen,

 Gerrikoaz edertzen.

 5

 Loria zaut, loria,

 Apaintzen naizenean,

 Zetha-zinta gorria

 Ematea soinean!

 Egiazki orduan

 Zerbait baniz munduan!

 6

 Arrosa primaderan

 Zoin den lore ederra!

 Idekitzen denean,

 Bagoatzi hartzera:

 Bainan laster da histen;

 Hala dugu egiten.

 7

 Ez azken bertsuari,

 Othoi, beltzuri egin.

 Zeren baitut zueri

 Zerbait nahi galdegin.

 Fagora nezazue

 Beharrer emazue

 ERREPIKA

 Zuen amoina,

 Ongi egina,

 Joanen da Jainkoa gana!